هشام المليجي عن عدم شهرته مثل السقا وهنيدي: ما بعرفش أنافق

أكد الفنان هشام المليجي، أن سبب عدم شهرته مثل باقي فنانين جيله، أنه غير منافق.

وقال الفنان هشام المليجي، خلال استضافته في برنامج 'نص الكلام' تقديم الإعلامية راغدة شلهوب المذاع على قناة النهار: ' أنا مش الوحيد الله يرحمه هشام سليم كان بيشتكي وبيقول مبيشغلونيش.. الفنان بياخد فترات بينور فيها وفترات بيروح مع اللي راحوا'.

وردا على سؤال 'في أسماء دفعتك وصلوا مثل السقا وهنيدي إيه اللي ناقصك؟.. وبقالها قد إيه الأضواء منحسرة عنك؟'، قال هشام المليجي: 'من أول ما ابتديت الأضواء منحسرة عني.. مفيش حاجة نقصاني التمثيل أصله عمل جماعي وأنا ترس جوه الموضوع لو الترس مش مظبوط هيعمل مشكلة ممكن يكون ده سبب إني انا مش جوه المنظومة الاجتماعية'.

وأضاف هشام المليجي:' أنا مش متناغم لأني مش بنافق حد وأنا بقول رأيي بصراحة.. ولو قولت لحد حاجة مش جوايا بيبان إني كذاب'.

وعن ارتباط اسمه باسم الفنان الراحل محمود المليجي، أوضح: 'أنا اسمي أصلا هشام محمد المليجي مقابلتوش ولا مرة حتى للاسف واتظلمت بسبب الموضوع ده لأنه مفيش غير مليجي واحد فيحصل مقارنة أو مصلحة'.