علق الناقد الفني طارق الشناوي على أزمته الأخيرة مع الفنان مصطفى قمر والتي بدأت بسبب انتقاده لفيلمه الجديد 'أولاد حريم كريم'، ووجه له قمر شتائم شديدة اللهجة.
وقال طارق الشناوي في مداخلة هاتفية ببرنامج 'اخر النهار'، على قناة النهار:'كل اللي قلته أن الفيلم من أسوء الأفلام اللي أنا شفتها وقلت أن المطرب لما بيكون في مرحلة قفول ميعملش فيلم، الفيلم لن ينقذه، و عبر التاريخ المطرب ينجح يتعملوا أفلام مش يتعملوا أفلام عشان ينجح مبتحصلش من أول أم كلثوم ومحمد عبد الوهاب وعبد الحليم وغيرهم.
وتابع:'لما يبتدي المطرب أسهمه تنزل لما بيعمل فيلم لن ينقذه، ودي مش المرة الأولى من حوالي 4 سنين عمل فيلم أسمه كان فيه مشكلة برضه، و اتكلمت عن فيلم أولاد حريم كريم لاقيت بعدها كمية شتائم، وأول سلاح طلعوا بيه أني مشفتش الفيلم، يعني أنت قاعد معايا 24 ساعة؟، وقالوا إن فيه ضغينة و أنا لم ألتقي به في لقاء خاص ولا مرة في حياتي على الاطلاق'.
وأضاف الشناوي:'عملوا إحصائية عن الإيرادات لقوا أن نفس الإيرادات هي اللي حصلت في الجزء الأول سنة 2005 هو نفس الرقم وده يعني ان فيه هبوط بنسبة 90 في المية، لأن سعر التذكرة كان 10 جنيه دلوقتي 100 جنيه يبقى الجمهور قال رايه'.
وأكمل:'الفيلم حضرته مع الجمهور وكان جمهور قليل جدا ومفيش تجاوب، كتبت قلت أنه مش في مرحلة وهج وانقطع الوهج وبريقه انطفأ انت، والمفترض القوى الضاربة في الفيلم المطرب والحريم كلها بدور عليه، فهو الشخصية المحورية واللي بيغني وكلهم بيجروا وراه، الحوار اللي أغضبهم لما قلت أن النجمة الوحيدة اللي احتفظت ببريقها كانت ياسمين عبد العزيز، واعتذرت عن الفيلم وأنها مش ممكن تكون من ضمن الحريم، وده حقها هي عندها قفزات جماهيرية'.
وأختتم:'مبزعلش من اي نقد ليا، أنا زعلت من الشتائم اللي قالها عليا مش قادر أكررها، والنقابة مش هتدافع عن طارق الشناوي هتدافع عن حرية الرأي لأن لو أنا قلت كلمة فيها سب وقذف علني عمرهم ما هيقفوا معايا، لكن لما يلاقوا أن فيه حد تجاوز في السب والقذف لأزم يبقى فيه رضع وده اللي عملته النقابة'.
يشار إلى أن اللجنة الثقافية والفنية في نقابة الصحفيين خاطبت الدكتور أشرف زكي نقيب المهن التمثيلية للتحقيق فيما حدث من تجاوز وإساءة من عضو النقابة الفنان مصطفى قمر ضد الناقد الفني طارق الشناوى.
تابعوا آخر أهل مصر على Google News
