تامر حسني يكشف قصة كليب معلش: يا ترى مين هيجي في بالك لما تسمعها؟

كشف الفنان تامر حسني، قصة كليب معلش، الذي طرحه اليوم، بمشاركة مطرب الراب زاب ثروت، وذلك عبر قناته الرسمية بموقع الفيديوهات العالمي “يوتيوب” ومختلف المنصات الغنائية الرقمية.

وكتب تامر حسني عبر حسابه بموقع إكس: 'ناس كتير مننا من كتر اللي جواها مبتعرفش تتكلم مع حد، ويمكن لو اتكلمت وفتحت قلبها للي بتثق فيه دلوقتي ممكن يذلك أو يعايرك بكل الوجع اللي حكيتهوله، أو يجاملك عشان مايجرحكش لأنه بيحبك بجد، بس أحيانا هتبقى عايز تعرف الحقيقة من غير مجاملة ولا عواقب سلبية بعد كدا، من حد يسمعك ميقاطعكش مهما اتكلمت سنين، هيسمعك مش هيجاملك مش هيقلب عليك'.

أغنية تامر حسني الجديدة

وتابع تامر حسني: 'الحد دا أنا عبرت عنه في الكليب، وأكيد كل حد فينا ليه الشخص اللي بتكتمل فيه الصفات دي.. يا ترى اللي هيسمع الأغنية مين هييجي في باله؟؟؟؟'.

أغنية 'معلش' كتب كلماتها ولحنها تامر حسني، وتعاون فيها مع كل من الموزع الموسيقي معاذ، ومهندس الصوت علي فاتح، وهي إحدى أغنيات ألبوم تامر حسني الجديد، الذي يحمل اسم 'هرمون السعادة'.