اعلان
اعلان

أحمد العوضي ساخرا من منع المهرجانات: "قرار كوميدي إنت مش وصي عليا" (فيديو)

أحمد العوضي
أحمد العوضي
كتب : منى رجب

سخر الفنان أحمد العوضي، من قرار منع أغاني المهرجانات، الذي أصدرته نقابة المهن الموسيقية برئاسة الفنان هاني شاكر، مشيراً إلى أنه قرار كوميدي: 'إنت مش أبويا يعني إيه تمنعني، إنت مش وصي عليا'.

تعليق أحمد العوضي على منع المهرجانات

وأضاف أحمد العوضي خلال لقائه ببرنامج 'مساء دي إم سي'، المذاع على شاشة 'DMC'، الذي تقدمه الإعلامية إيمان الحصري، عن قرار منع المهرجانات، قائلا: 'هو انا بربي ابني كويس فبيشوف كل حاجة فهو قادر يميز الصح من الغلط، القصة كلها أن هو طلع في الاستاد، فالناس قالت إزاي الاستاد ده بتاع نجيب محفوظ وبتاع عباس العقاد وعمرو دياب غنى فيه وقيمة وقامة فسخنوا في نقابة الموسيقيين فقالوا مينفعش نمنع الناس دي فبعد ما منعوها طلعوا وقالوا إزاي تمنعوا الناس دي أنت اتحركت بناء على إيه؟'.

وتابع: 'الموضوع كله بسبب مهرجان بنت الجيران، إنت كنت فين لما كان السكر محلي محطوط على كريمة، أنت شوفته وعديته وسمعته، ده أكل عيشهم ممنعوش، وفيه ناس حباه فنحترم بردو الناس اللي حباه، أجيبهم أقعدهم معايا وأقولهم لا بلاش الكلام ده يتقال، لكن اقوله الصح من الغلط، وألزمه بالقوانين واخليه يقول كلام مظبوط، لان ده أكل عيشهم، أنا بحبه ومافيش فرح في مصر مبيشغلش مهرجان'.

WhatsApp
Telegram
إقرأ أيضاً