أول رد من عمر كمال بعد حذف عود البطل من يوتيوب: "عارف مين عمل كده ومش عايز ادخل في مشاكل" (خاص)

كتب : دينا دهب

فوجئ مطرب المهرجانات عمر كمال وحس شاكوش من حذف عود البطل بعد يوم من طرحه على قناة حسن شاكوش الرسمية بموقع 'يوتيوب'، وبعدما حقق 7 مليون مشاهدة.

حذف عود البطل

وقال عمر كمال لـ 'أهل مصر': 'صحينا من النوم لاقينا أغنية عود البطل اتحذفت بعد ما حققت 7 مليون في أول يوم، وده مش بيحصل وهبدأ أشوف الدنيا مع حسن شاكوش وايه الاشعار اللي وصل للقناة بتاعته'.

مهرجان عود البطل

وعن من تسبب في حذف عود البطل، قال عمر كمال: 'عارف طبعا مين حذف عود البطل لكن مش عايز أدخل في مشاكل وهركز بس في اني افك الأغنية لأن احنا كده بنخس في الشارع والأغنية لو وقفت بتتشال من للأسف وأغنية عود البطل كانت هتقعد أسبوع كامل في التريند، دي أغنية جابت 7 مليون في يوم وده محصلش اطلاقا في أي أغنية قبل كده'.

مهرجان عود البطل

يشار إلى أن مهرجان عود البطل، تعد أول أغنية يطرحها المطربان حسن شاكوش وعمر كمال، بعد أزمتهما الأخيرة مع نقابة المهن الموسيقية، برئاسة الفنان هانى شاكر والتي أصدرت قرارا بمنع مطربي المهرجانات بمزاولة نشاطهما الفني من الحفلات والأفراح وغير ذلك.