تامر حسني غاضبا بسبب كورونا: مش فاهم إزاي واخدين الموضوع هزار

وجه الفنان تامر حسنى رسالة إلى متابعيه وجمهوره عبر حسابه الشخصي على موقع التواصل الاجتماعي 'فيس بوك'، بسبب فيروس كورونا الذي ينتشر حاليا في معظم أنحاء العالم وبات يشكل خطرا كبيرا.

وعلق تامر حسني عبر على قرار الحكومة بتعطيل الدراسة لمدة أسبوعين قائلا: 'أخدنا أجازات عشان نحافظ على بعض ونُحصر المرض ومينتشرش وسطنا مش فاهم إزاي بعض الناس واخدين الموضوع هزار وأجازة وفسح وزحمة رهيبة عادي فى الأماكن العامة ومخرجين ولادهم، رجاء كل الناس تأمن نفسها من دلوقتى ويشتروا لوازم المنزل من دلوقتى، والمقتدر يا ريت يأمن غير المقتدر الظروف الجاية أصعب والدولة لازم تعمل حظر تجول دا لازم لازم'.

تدوينة تامر حسني

وواصل تامر حديثه قائلا: 'اللى مش واخدين بالهم يا جماعة دا وباء عالمي مش وقفة العيد، وحرصنا دا هيخلينا نخلص منه إن شاء الله بدري جدا.. والرحمة مطلوبة من كل الناس اللى مشغلين ناس بيومية إنهم يحافظوا الفترة دي على أجورهم ومراعاة ظروفهم.. بلاش خروج أرجوكم إلا لو هتشتروا مخزون للبيت وتكونوا واخدين كامل الحذر فى الوقاية من الاحتكاك بكل شيء، ورجاء متنسوش غير القادرين.. ربنا يحفظكم ويحفظنا جميعا'.