المشرف العام على التحرير داليا عماد

ننشر نص تحقيقات النيابة مع هدير الهادي فتاة "التيك توك" - (خاص)

أهل مصر
هدير الهادي فتاة التيك توك
هدير الهادي فتاة التيك توك

حصلت "أهل مصر" على نص تحقيقات النيابة العامة، في واقعة اتهام هدير الهادي فتاة تيك توك، بالتحريض على الفسق والفجور، وبث فيديوهات فاضحة وتخدش الحياء، ومخالفة قيم وعادت المجتمع، وممارسة الأعمال المنافية للآداب، ووجهت النيابة أسئلتها للمتهمة على النحو التالي:-

تحقيقات النيابة في واقعة ضبط فتاة الـ"تيك توك" هدير الهادي

س/ ما هو قولك فيما هو منسوب إليك من إنك متهمة بفعل علانية أفعالاً فاضحة مخلة بالحياء العام، بأن قمت بنشر صور ومقاطع مرئية على حساباتك الشخصية عبر مواقع التواصل الاجتماعي على شبكة المعلومات وذلك على النحو المبين بالتحقيقات؟

ج/ محصلش

س/ ما هو قولك فيما هو منسوب إليك من إنك متهمة بالإعلان عن طريق حساباتك الشخصية صور ومقاطع مرئية تتضمن الدعوة إلى لفت الأنظار إلى الدعارة على النحو المبين بالتحقيقات؟

ج/ محصلش

س/ ما هو قولك فيما هو منسوب إليك من إنك متهمة بممارسة الدعارة بمقابل؟

ج/ محصلش

س/ ما هو قولك فيما هو منسوب إليك من إنك متهمة بالاعتداء على المبادئ والقيم الأسرية في المجتمع المصري بأن قمت بنشر صور ومقاطع مرئية تتضمن الدعوة إلى الدعارة؟

ج/ محصلش

س/ ما الذي حدث إذ وما ظروف ضبطك وعرضك علينا وما هي أوجه دفاعك؟

ج/ اللي حصل إن جالي مكالمة من واحد أنا معرفوش وقالي أنه بيكلمنى على "سناب شات"، وأنا قولتله إن حياتي فيها بهدلة ومحتاجة فلوس قالي أقابله في الحصري وهبعتلك فلوس عن طريق المحامي بتاعه، ولما روحت هناك لقيته مسكني، وقالي أنه ضابط وخدني على الشقة بتاعتي ولم حاجات من الشقة وبعد كدة وداني على إدارة الآداب وأول ما روحت هناك سألوني عن الفيديو بتاع واحدة شبهي نازل على المواقع وأنا قولتلها أن اللي في الفيديو دي مش أنا، وجابولي دكتورة معرفش اسمها كشفت عليا قلعتني

هدومي من فوق وصورتني، وقالت لهم أن مش أنا اللي في الفيديو، وكانوا بيسألوني عن باسوردات الأكونتات بتاعتي، والكلام الخاص بأني بصور فيديوهات وبأخد مقابلها فلوس دا، ماحصلش وأنا كنت بحاول أذود الفلورز بتوعي عشان الشركات تخليني أعلن عن منتجات بتاعتهم.

س/ ما هي ظروف نشأتك؟

ج/ أنا اتولدت في قرية سيدي غازي في أسرة من أم، وأب، وليا أخين أصغر مني ووالدي ووالدتي انفصلوا، وأنا في ثانوية عامة، ترجعوا لبعض من شهور وعايشين دلوقتى في البحيرة.

س/ ما هي ظروف عمل والدك ووالدتك؟

ج/ بابا بيشتغل راجل أعمال عنده معرض سيارات وبيشتغل في الأراضي الزراعية والثلاجات وماما مش بتشتغل

س/ ما هي مؤهلاتك العلمية؟

ج/ أنا كنت ثانوية عامة نظام أمريكان وبعدها حولت عربي فاتاخرت سنتين وبعدها دخلت كلية خدمة اجتماعية جامعة حلوان ومدخلتش الامتحانات من سنتين.

س/ وإلى أي اتجاه توجهتي عقب الانقطاع عن الدراسة؟

ج/مكنتش بعمل حاجة وكنت بحاول ابدا اشتغل في ابليكشن اسمه بيجو لايف.

س/ وما هو ذلك التطبيق؟

ج/ هو تطبيق بفتح منه لايف وكلمني واحد مش فاكرة بياناته قالي أنه مطلوب مني افتح لايف حوالي 30 ساعة في عشر أيام والأكونت بعمله عليه وببعت للبنت اللي اسمها الوكيلة واسمها فطيمة بس معرفش اسمها بالكامل ويديها الحساب بتاعي وهى بتدخلني في الشركة والمفروض لما المتابعين يزيدوا باخد فلوس وكل ما الفيديو لما اضائته كويس واللايف مش بيقطع اتقبل في الشركة.

إقرأ أيضاً:
تأجيل محاكمة هدير الهادي بتهمة التحريض على الفسق لـ13 أكتوبر
بدء أولى جلسات محاكمة هدير الهادي صاحبة فيديوهات الرقص على "التيك توك"
تجديد حبس هدير الهادي فتاة "تيك توك" 15 يوما لاتهامها بنشر فيديوهات فاضحة