صور | ضبط المتهم بتشويه حبيبته لرفض والدها ارتباطهما بمدينة نصر

ألقت أجهزة الأمن بالقاهرة، القبض على الطالب الشهير بـ'جوردي' المتهم بتشويه رأس وجسد حبيبته، انتقاما من رفض والدها ارتباطه بها.

ونجحت أجهزة الأمن في تحديد مكان المتهم بمدينة نصر، وإلقاء القبض عليه، وذلك بعد أن رصدت منشورا مدعوما بالصور، متداول على وسائل التواصل الاجتماعي بالواقعة، مفاده تعرض فتاة تدعى فاطمة لتعدٍ بسلاح أبيض، على يد شاب كانت تربطها به علاقة عاطفية، وفق ما شرحت هي في المنشور المتداول.

وقالت الفتاة في منشورها: “إمبارح أصعب يوم مر عليا، كنت مرتبطة بواحد وانفصلنا من شهر، وكان بيحاول يرجعني، واتكلم مع والدى في التليفون، أنه يكون في حاجة رسمي وبابايا رفضه، علشان شايفه مش مناسب ليا، وأنه أنا لسة صغيرة ، وبعدها كلمني في التليفون وشتمني أنا وأهلي بأوسخ الألفاظ وقفل'.

وأضافت: 'نزلت اتسحر مع ـصحابي وكنت مروحة أنا وصحبتي، فزنّق علينا بالعربية، ونزل فتح الباب راح مطلع مطواة من جيبه، وغرزها في دماغي، ومسكتش وغرزها في رجلي فأغمي عليا، وودوني المستشفي وخيطت 24 غرزة، وعملت محضر وهو هربان لحد دلوقتي، أنا مش عاوزة غير حقي وخلو بالكم يا جماعة من نفسكوا'.