اعلان
اعلان

الإرهابي أحمد الشرقاوي: اخترنا للمخطط شباب مش إخوان علشان نبقى بعيد

الارهابي أحمد الشرقاوى
الارهابي أحمد الشرقاوى

قال الإرهابى أحمد الشرقاوى سعد، أحد العناصر المقبوض عليهم ضمن خلية الإخوان التى تستهدف تقويض دعائم الأمن والاستقرار وإشاعة الفوضى بالبلاد بالتزامن مع ذكرى 25 يناير، إنه جاءه تكليف هو ومجموعته من قيادات الجماعة فى تركيا بالانضمام للحركة الشعبية ويكونوا أعضاء بها، وأن يكون مشرفا على عمليات التجنيد.

وأضاف الإخوانى الإرهابي: "انضمينا للصفحة وتواصلنا مع "الجوكر" تامر جمال الهارب بره مصر، وجاتنا تعليمات منه باستقطاب شباب، وكنت باستقطب الشباب غير الواعى باللى بيحصل فى البلد، وكنت باتكلم معاهم، وكان المدخل لينا فى الكلام ده هو حالات الانتحار اللى بتحصل فى البلد، وكنا بنقنعهم ان ده بسبب الحالة الاقتصادية اللى بتمر بيها البلد، وكنا بنقسم الشباب لمجموعات ونعمل تدريبات وتلقين ليهم على تليجرام علشان ما يحصلش لقاءات بينا فى الشارع ويحصل رصد لينا من الأمن، وبعد كده كنا بنجهزهم بحيث نستخدمهم فى المظاهرات، وكنا بنقسمهم لمجموعات، وكان فيه مجموعة للخرطوش ومجموعة لقطع الطريق، ومجموعة لعمل الشغب، وكنا بنشوف الشباب اللى فيهم رجا كنا بنضمهم على جروبات الحركة علشان نستخدمهم فى أى وقت نحتاجهم فيه".

وتابع: "كنا بنتكلم مع الشباب دول أن هايكون ليهم مستقبل فى الدولة لو احنا نجحنا، وطبعنا كنا بنختار الشباب اللى بعيد عن الإخوان، بحيث لو فشلنا الإخوان ما يظهروش فى الصورة وما يحصلش ليهم مشاكل بعد كده".

كانت وزارة الداخلية قد نجحت في كشف أخطر مخطط إرهابي، عزمت قيادات إخوانية إرهابية هاربة إلى تركيا على تنفيذه بالتزامن مع ذكرى 25 يناير، حيث نجح قطاع الأمن الوطني في رصد معلومات إعداد قيادات التنظيم الهاربة بتركيا، مخططاً يستهدف تقويض دعائم الأمن والاستقرار وإشاعة الفوضى بالبلاد وهدم مقدراتها الاقتصادية بالتزامن مع ذكرى 25 يناير، وتكليف عناصره بالداخل لتنفيذه من خلال عدة محاور.

WhatsApp
Telegram
إقرأ أيضاً