المشرف العام على التحرير داليا عماد

"كان حكاية جميلة خلصت بسرعة أوي".. زوجة الشهيد ماجد عبدالرازق تروي أسرار حياته في احتفالية عيد الشرطة

أهل مصر
الشهيد ماجد عبد الرازق
الشهيد ماجد عبد الرازق

كرم الرئيس عبدالفتاح السيسي، زوجة الشهيد ماجد عبد الرازق معاون مباحث قسم شرطة النزهة، سارة وائل طاحون ابنة الشهيد وائل طاحون مفتش الأمن العام الذي استشهد أيصًا أثناء تأدية واجبه الوطني، بعد أن التحق شقيقها عاطف وائل طاحون بكلية الشرطة أيضا ليستكمل رسالة العطاء التي بدءها الشهيدين والده وزوج شقيقته.

الشهيد ماجد عبد الرازق

الشهيد ماجد عبد الرازق

«ليلى» الرضيعة أبنة الشهيد ماجد عبد الرازق كتب لها القدر أن تتجرع الألم عقب استشهاد والدها بعد ولادتها بـ 10 أيام على يد مسلحين، وتروي سارة طاحون زوجة الشهيد تلك اللحظات الفارقة فى حياتهما قائلة: «اتخطبنا سنة واحدة واتجوزنا، ظهرت أول طيبة ماجد ومعدنه الأصيل لما كنت بشوفه يقعد مع حارس عقار أو بنك ويشرب معاهم شاي ويتكلم ويهزر مع كل الناس، ولو حد عنده مشكلة يعمل كل محاولاته عشان يحلها، كان يقولي كل ما بسعى في حل مشاكل للناس بلاقى ربنا بيسهل كل أمورى وبيوقفلي ولاد الحلال واللى بيحبولي الخير".

الشهيد ماجد عبد الرازق

كان بيقولي معلش استحمليني

وتابعت " سارة ": "الفترة اللي عشتها مع ماجد واحنا متجوزين كانت سنة ونص وبشهد أمام الله إنها كانت أحلى فترات حياتي، كنت ممكن أقعد يومين أو تلاتة من غير ما أشوفه واحنا فى بيت واحد وكان دايما يقولى معلش استحملينى لازم أتعب وانا صغير عشان ارتاح لما أكبر، كان مثله الأعلى فى شغله والدى الشهيد العميد وائل طاحون مفتش مباحث الأمن العام بالقاهرة، كان بيحكيلى إنه كان حلمه يوصل إن الناس كلها تكون عارفة اسمه بالخير زي بابا، وكان بيقولى حتى بعد استشهاده اسمه لسة معروف وياريت لو هموت أموت شهيد زيه، فى إبريل 2018 اتنقل قسم شرطة النزهة ووقتها كان مبسوط جدا إنه رجع يشتغل فى الأقسام، لأنه كان بيحب شغل الشارع".

لما عرف إني حامل فى بنت كان فرحان أوى

وتابعت "سارة": "من وقتها تقريبا مبقتش أشوفه إلا قليل أوى وبعدها بفترة صغيرة عرفت إنى حامل ووقتها ماجد كان حاسس إنه مقصر أوى فى حقى وكل شوية يقولى معلش اللى جاى هيبقى أحلى بإذن الله، يوم ما عرفت إنى حامل فى بنت، ماجد كان فرحان أوى وقالى دى اللى هتيجى تحلى كل حياتنا ، عدت الأيام والشهور وأنا حامل وكنت تعبانة جدا ومكنتش بشوفه كتير فى أكتر أوقات كنت بكون محتاجاه فيها، يوم ولادتى كان 28 مارس 2019 ماجد رجع من شغله الساعة 6 الصبح ورحت المستشفى الساعة 6، يعنى حتى فى أهم أيامنا كان بيبقى متواجد فى شغله".

الشهيد ماجد عبد الرازق

ماجد كان حكاية جميلة وخلصت بدري

واستطردت زوجة الشهيد: "ماجد بعد ولادة ليلى مشافهاش إلا 3 مرات بس لأنه استشهد وهي عمرها 10 أيام بس.. قبل استشهاده بيومين كنا بنرتب لسبوع ليلى وعقيقتها عشان نحتفل بيها، كان بيعزم الناس وهو فرحان أوى وكان بيقولى لازم نختارلها أحلى حاجة وأشيك حاجة، أنا معنديش فى الدنيا غيركم، يوم 7 أبريل 2019 صحيت على أبشع خبر فى حياتى بعد خبر استشهاده ... ماجد كان حكاية جميلة فى حياة كل اللى يعرفوه بس للأسف خلصت بدرى أوي».

إقرأ أيضاً:
"مخططات إسقاط الدول" ندوة بأكاديمية الشرطة بمشاركة جامعة سوهاج
استقبال الطلبة الجدد بكلية الشرطة في العام الدراسي الجديد
حسام حداد يكشف السر وراء الغضب الشعبي بعد استشهاد "معاون مباحث النزهة" (فيديو)
عاجل
عاجل
حاول اغتصاب طفل داخل السيارة.. حقيقة القبض على المتهم بـ التحرش بـ3 أطفال في القاهرة الجديدة