قال الشيخ خالد الجندي عضو المجلس الأعلى للشئون الإسلامية، إن ابليس أكبر عدو للإنسان، لذلك يعمل على تزيين المعاصى له، حتى يستمر فيها.
الشيطان بيرش على المعاصي سكر وعسل
وأضاف الشيخ خالد الجندي: 'تلاقى واحد وواحدة عاملين علاقة فى الحرام تلاقيهم حاجة فى منتهى السعادة، ليه عشان الشيطان بيحلى لهم المعاصى بيرش لهم عليها سكر وعسل، أول لما يتزوجوا فى الحلال تلاقى المعارك اشتغلت بينهم ليه، عشان هنا فى حلال هى تشوفه قرد وهو يشوفها حاجة وحشة'.
برنامج لعلهم يفقهون
وتابع الجندى، خلال حلقة برنامج 'لعلهم يفقهون'، المذاع على فضائية 'dmc'، اليوم الثلاثاء: 'الشيطان شغله إنه يخليك عاصى، لو أنت لقيت المعصية موجودة فى جوفك يبقى أنت عندك مشكلة فى مقومات القرآن، لو لقيت المعصية مرة زى العلقم يبقى أنت كده فى الإيمان، لما تشعر بمرار المعصية ربنا هيزين قلبك ولسانك لا يطاوعك للمعصية عشان ليك خاطر عند ربنا، وتلاقي العاصى عنده المعصية تقيلة على قلبه جدا'.
ترك الصلاة
واستكمل 'الجندى': 'تلاقى الولد يقعد يتفرج على الماتش بالساعات وصلاة العصر عنده أثقل من جبل أحد، وهذا أمر خطير، الشيطان معاه علبة سكر شيطانية يرش لك سكر على ترك الصلاة على الزنا على القمار، على خدش الحياء والأعراض، وبالتالي تشوف الذنب، وهذه علامة عدم إيمان'.
تابعوا آخر أهل مصر على Google News
