استجابت مؤسسة حياة كريمة لتوجيهات الرئيس عبد الفتاح السيسي، وقدمت الدعم للمواطن عرفة هاشم بتوفير سيارة جديدة له (تاكسي) لتكون مصدر رزق له ولأولاده، وتوفير شقة سكنية له ولأسرته وتمكينه اقتصاديًا.
أعرب المواطن عرفة هاشم عن سعادته بعد تحقيق أحلامه بالحصول على تاكسي، في مقابلة مع مراسلة جريدة وموقع 'أهل مصر'، مضيفًا أن مؤسسة حياة كريمة تواصلت معه بعد مقابلة الرئيس السيسي، مؤكدًا أنه لم يكن يتوقع تسليمه سيارة 'تاكسي' ووحدة سكنية.
عرفة هشام يكشف تفاصيل لقائه مع الرئيس السيسي
وكشف عرفة هشام تفاصيل لقائه مع الرئيس السيسي قائلًا: 'كنت ماشي أنا وأسرتي رايح أكشف على أولادي في مستشفى أبو الريش وأنا نازل من على كوبري الحضارة، كان في تشريفه وسيادة الرئيس السيسي وقفني وسلم عليا وعلى اسرتي، وسألني شغال اية قولتله سواق وقاعد في شقة بالإيجار'، متابعًا: 'أخدوا رقمي وبعد كدا مؤسسة حياة كريمة كلمتني وسلموني العربية، والشقة لم يتم تحديد موعد استلام الشقة'.
عرفة هشام يوجه رسالة شكر للرئيس السيسي
ووجه عرفة هشام رسالة شكر للرئيس السيسي، قائلا: 'كانت مفأجاة جميلة وشكرا الرئيس السيسي على كل حاجة وكل واحد وقف معايا ومع أولادي، والحمد لله على كل حال'، مضيفًا: 'بشكر الرئيس أنا وأولادي وزوجتي على الواجب اللي عمله معانا، وعلى العربية اللي هتساعدني أكل بيها عيش واسترزق منها'.
وأضاف، قائلًا': 'أنا عندي 27 سنة متزوج معايا ولد وبنت، اشتغلت سواق على ربع نقل وبعد كدا سيارة دبابة وسوزوكي، في أيام بعمل فيها 100 جنيه ومش كل الأوقات بيجي دخل كويس، وأنا قاعد في شقة بالإيجار 1200 في الشهر، وكنت بدفع إيجار للعربية والحمد لله ماشية بستر ربنا ودعاء والدتي عايشة والحمد لله، كل اللي أنا فيه بدعوتهم وبفضل ربنا'.
عرفة هاشم الذي قابل الرئيس السيسيوتابع: 'أي مكان هستلم فيه الشقة انا حامد ربنا، والكل فرحان لي عشان انا ماشي في حالي وحلو مع الناس وأسرتي كلها فرحانة وبيشكروا الرئيس السيسي'.
ووجه عرفة هاشم رسالة للشباب قائلًا: 'اللي انا فيه من عند ربنا وبحمد ربنا على كل شيء، ولا كان في نيتي حاجة واحمدوا ربنا على العيشة اللي فيها وربنا مش بينسى حد وكل واحد ربنا بيرزقه برزقه واللي ليه رزقه هياخده'.
تابعوا آخر أهل مصر على Google News
