المشرف العام على التحرير داليا عماد
اعلان

حنان تطلب الخلع: "بيعايرني عشان سلمت نفسي ليه قبل الجواز"

أهل مصر
دعوى خلع
دعوى خلع
اعلان

لما ضعفت معاه كنا بنفرش فى الشقة وكمان مكتوب كتابنا يعنى مراته، وكنت بثق فيه جدا أنه عمره ما هيغدر بيا، ورفضت فى البداية أنه يحصل بينا حاجة غير بعد الفرح، لكن هو عرف إزاى يخلينى أضعف بسبب حبي ليه، وفعلا حصلت بينا علاقة كاملة قبل الفرح بشهر واحد واتكررت مرتين كمان، لكن هو وعدنى أنه الفرح هيتم فى معاده، وأنى مراته وحقه، لكن بعد الجواز أتغير تماما بقى يضربنى على طول ويعايرنى أنى رخيصة.. نطقت بهذه الكلمات حنان وهى داخل محكمة الأسرة لرفع دعوى خلع من زوجها بعد عام واحد فقط من الزواج مبررة استحالة العيش معه بعد أن أحدث لها إصابات فى جسدها بسبب التعدى عليها بالضرب دائما على أتفه الأسباب.

وروت الزوجة قصتها لـ"أهل مصر" قائلة: إنها تزوجت بعد علاقة عاطفية نشبت بينهما، حيث أنها كانت تعشقه إلى حد الجنون "كنت مبسوطة جدا لما اتخطبنا لأنه كان جارى وكنت بحبه أوى بس رفضت أكلمه غير لما اتقدم لى رسمى، وبعدها ظهرت ليه كل اللى فى قلبي، ووالدى اشترط إننا نكتب الكتاب والفرح بعد شهرين لأن كل حاجة جاهزة، وكنت زى الخاتم فى صباعه، كل اللى يطلبه أعمله، لحد ما فى يوم كنا بنجهز فى شقتنا وطلب منى نروح نحط حاجات هناك، ودى كانت غلطتى إنى روحت معاه من غير حد من أهلى، وكانت أول مرة أقعد معاه فى مكان مافيش حد غيرنا فيه".

وتابعت والدموع تفيض من عينها: "عرف ازاى بطريقته يخلينى أضعف وأسلم ليه نفسي فى لحظة، ومكنش فاضل غير شهر واحد على الزواج، ووقتها حاسسنى أنه مش غلط اللى حصل بينا وأنى مراته، وعرف يقنعنى أن أمارس العلاقة معاه مرتين قبل الفرح، ومن أول ما اتجوزنا وهو اتغير بقي إنسان تانى، معاملته ليا وحشة وديما يضربنى ويشك فيا ويعايرنى أنى رخيصة عشان سلمت نفسي ليه قبل الفرح".

وأكملت: "حياتى بقت جحيم، كرهت نفسي واليوم اللى صدقته فيه ووضعت كل ثقتى، بيتهمنى أنى اكيد بخونه، واستغفلته لحد ما بقيت مش قادرة أكمل معاه وطلبت الطلاق حيث واجهه بالرفض، لذلك توجهت إلى محكمة الأسرة لرفع دعوى خلع ومازالت الدعوى منظورة أمام القضاء".

إقرأ أيضاً:
اعلان
عاجل
عاجل
نشرة المرور اليوم الإثنين 30 ـ 11 ـ 2020.. انتظام الحركة في شوارع القاهرة