المشرف العام على التحرير داليا عماد

أمل تطلب الخلع: "عامل أوضة لنفسه عشان يخوني فيها على النت"

أهل مصر
محكمة الأسرة
محكمة الأسرة
اعلان

" اتجوزنا بعد قصة حب سنتين، حب ابن الجيران، عمرى ما كنت اتخيل انه هيخدعنى بالشكل دا ويعرف عليا بنات على النت، كان عامل أوضة فى الشقة حاطط فيها اللاب توب الخاص به، بحجة انه بيحب يسهر فى الليل كتير وأنا بنام بدرى عشان خاطر اصحى بدرى وأساعد والدته فى شغل البيت، لكن عمرى ما كنت أتخيل انى الأوضة بيستغلها عشان يخون براحته، لحد ما فى يوم فى نص الليل فتحت عليه باب الأوضة فجاءة لقيته فاتح الكاميرا مع بنت وبيمارس العادة السرية".. نطقت بهذه الكلمات أمل وهى داخل محكمة الأسرة لرفع دعوى خلع من زوجها بعد عام واحد فقط من الزواج مبررة استحالة العشرة معه.

وقالت الزوجة فى مستهل حديثها مع "أهل مصر": هو ابن الجيران ونشأت بيننا قصة حب واتعرفنا على بعض أكتر، واتقدم ليا وكنت مبسوطة جدا لدرجة انى وافقت أعيش فى بيت أهله وأخدم والدته عشان خاطره، واتجوزنا وكنت بثق فيه جدا، وعمرى ما كنت اتخيل انه يبقي بالأخلاق دى أو اشوفه بالمنظر اللى شوفته فيه، لما لقيته بيكلم بنت على الشات ودافع كروت شحن وبيمارس معاها العادة السرية بكل جراءة وكأنه شئ عادى له، ولا خايف من حد.

وتابعت حديثها: زى كل يوم قاعد سهران على اللاب توب فى اوضته اللى عملها لنفسه، وانا كنت نايمة وصحيت فجأة كان هو طالع من الحمام ودخلت أوضته ولأول مرة ولحسن حظى ينسي يقفل باب الأوضة بالمفتاح كويس، لما صحيت سمعته بيتكلم بصوت واطى جدا فتحت باب الأوضة فجأة لقيت منظر مقرف واقف قدام شاشة اللاب توب وبيتكلم مع بنت وهو بيمارس العادة السرية، انهرت ومتكلمتش معاه ولا كلمة سبت ليه البيت، وطلبت الطلاق ورفض، عشان كدا رفعت دعوى خلع وأنتظر أولى الجلسات.

إقرأ أيضاً:
اعلان