ندا فى دعوى خلع: "بينام فى أوضة لوحده بقاله 10 شهور"

أهل مصر
رفع دعوى خلع
رفع دعوى خلع

تقدمت ندا بدعوى قضائية أمام محكمة الأسرة بزنانيرى لطلب الخلع من زوجها بعد ٣ سنوات من الزواج مبررة ذلك بقولها "فجاءة اتغير فى معاملته معايا، ومبقاش يستحمل يقعد معايا أو يلمسنى وبينام فى اوضة لوحده بقاله اكتر من ١٠ شهور ، لدرجة أنى تأكدت أنه على علاقة بواحدة، وكرامتى متسمحش أنى أقعد على ذمته يوم واحد تانى، حتى لو هو رفض يطلقنى".

٣ سنوات زواج

قالت الزوجة: "اتجوزنا من ٣ سنين ، كان جواز تقليدى ووالدته اللى اختارتنى له، كانت حياتنا روتينية وطبيعية زى أى زوجين، لكن كنت دايما بحس أنه بيتعامل بالحسنى والمودة لكن حب ما فيش، كنت كتير بحس انى نفسي أسمع كلمة حلوة منه، لكن دايما كانت علاقتنا رسمية وكنت محتملة كل دا وبقول عادى بكرة يحبنى لكن للأسف من ١٠ شهور بقيت أحس أنه اتغير وبيتجنبنى ودايما سرحان واتأكدت انه فى واحدة فى حياته ولما واجهته أنكر وقال انه عنده مشاكل في الشغل.

بينام فى أوضه لوحده

وتابعت حديثها لـ"أهل مصر": "مشاكل إيه اللى تمنعه يلمسنى ١٠ شهور كاملة بينام فى أوضة لوحده، وعلى الرغم انى حاولت أعرف سبب لتغيره رفض يقول حاجة، ملقتش قدامى غير انى أحافظ على كرامتى وطلبت الطلاق الذى واجهه بالرفض فلم أيد أمامى سوى الذهاب إلى محكمة الأسرة ورفع دعوى خلع وانتظر أولى جلسات الدعوى".

Instance ID Token

Needs Permission