سمر فى دعوى إثبات نسب " طلقنى وأتجوزنى عرفي عشان معاش ولدى "

أهل مصر
رفع دعوى إثبات نسب
رفع دعوى إثبات نسب

"بعد ما طلقني واتجوزنى عرفي عشان ناخد معاش والدي حَملت ولما خلفت رفض يسجل المولود وسابنى ومشى معرفش طريق ليه، ابنى مش عارفة اسجل فى سجلات المواليد "، بعض هذه الكلمات نطقت بها سمر وهى داخل محكمة الأسرة بزنانيرى دعوى إثبات نسب صغيرها بعد أن طلقها زوجها وتزوجها مرة أخرى عرفيا ورفض أن يسجل أبنه الصغير وتركها لم تعرف له مكان.

طلقنى وتزوجنا عرفي

قالت الزوجة " بعد ما تجوزنا بـ4 شهور وعملنا فرح كانت ظروفنا المادية صعبة جدا، واقترح عليا إنه يطلقنى ونتجوز بعقد عرفي وأقدم على معاش والدى عشان يساعدنا فى العيشة وكنت غبية وبثق فيه جدا لدرجة انى عمرى ما فكرت فى عواقب أى حاجة تحصل ووافقت وطلقنا من غير ما نقول لحد وفعلا اتجوزنا بعقد عرفى والنسختين كانوا معاه، وقعدنا سنة نصرف معاش والدى، وتقريبا مكنش هو بيدفع مليم فى مصروف البيت لحد ما اكتشفت انى حامل وكنت فرحانة جدا، وكنا متفقين أنى لما أولد هيكتب عليا عن مأذون عشان نسجل الطفل اللى جاى ووافق فعلا، لكن غدر بيا بعد الولادة وسابنى هرب.

رفع دعوى إثبات نسب

وتابعت حديثها لـ "أهل مصر":" أول ما ولدت ابنى رفض نكتب رسمي عشان المعاش ميتقطعش، لكن أنا أصريت عشان نسجل ابننا وحصلت مشكلة كبيرة بيننا ساب البيت ومشى وقال لى" روحى شوفى هتنسيه لمين ولا اعترف بيه ولا هعترف بالجواز وهقول للناس إنك كنت عايشة معايا في الحرام"، وفعلا اختفى ومعرفش ليه مكان، حاولت اوصله معرفتش وأمى دخلت المستشفى لما عرفت باللي حصل مالقتش قدامى غير محكمة الأسرة ورفع دعوى إثبات نسب لأبنى ومازالت الدعوى منظورة أمام القضاء"..

Instance ID Token

Needs Permission