فضيحة إعلامية .. الحدث اليوم تجري مداخلة مزيفة للدكتور مجدي يعقوب (فيديو وصور)

في فضيحة إعلامية كبرى، قامت قناة الحدث اليوم، بإجراء مداخلة مزيفة للجراح القلب العالمي، الدكتور مجدي يعقوب، خلال برنامج الحياة أحلى، مع شريف ونوران.

وقال مقدم البرنامج، في المداخلة،: 'معانا ومعاكم السير مجدي يعقوب، مداخلة خاصة وحصرية.. فخور جدًا إني بكلم حضرتك لثالث أو رابع مرة'.

حيث ادعى فيها الحديث مع جراح القلب العالمي الدكتور مجدي يعقوب، على الهواء مباشرة، ليفاجأ الجماهير بصوت مختلف عن صوت يعقوب، قائلًا: 'أنا اللي سعيد بيكم.. ناس محترمين وتشرفوا البلد، ولازم الناس تساعد في البلد، زي ما الرئيس بيعمل'.

وردت المذيعة، قائلة: 'دكتور مجدي منور، وبجد لينا الشرف إن أول مداخلة تليفونية في البرنامج تكون من حضرتك'.وأثارت تلك المداخلة، موجة عارمة من الغضب والسخرية على مواقع التواصل الاجتماعي، مستنكرين ما حدث على الشاشة من كذب واستخفاف بعقل المشاهد.

ونشرت الصحفية ياسمين محفوظ، عبر حسابها الشخصي على موقع التواصل الاجتماعي 'تويتر'، فيديو للمداخلة الكاذبة، قائلة: 'شوفت قليل وكتير.. لكن كدة كتير؟! جايبين واحد منتحل صفة دكتور مجدي يعقوب ؟! غيروا اسم القناة للنصب اليوم؟!! القناة دي لازم تتشمع.. مش مستوعبة والله'.

وتابعت في تغريدة أخرى: 'اتفضلوا شوفوا الوكسة لآخرها.. نصباية بجد مش هزار'، وقال الإعلامي جابر القرموطي: 'دا هباب مهبب'، أما الإعلامي شريف عامر، فكتب معلقًا: 'إلى من يهمه الأمر'.

ونشرت ياسمين محفوظ فيديو آخر، لباقي المداخلة، معلقة: 'الحقوا الجزء الثاني هتلاقوا صوت دخل فجأة وسط المداخلة قالك ده محمد جمال مساعد السير مجدي يعقوب، في مؤسسة مجدي يعقوب للقلب، وبيشكروا الدكتور على أنه الراعي الشرفي لمبادرة حق الغلابة اللي اسسها الأخ اللي قاعد قاعد قدام الكاميرا ده'.

فيما جاءت ردود المغردين،: 'النصب على المشاهدين، النصب اليوم، يا نهار أسود على المهازل، إحنا إعلامنا مش بس بقر هايف ومطبلاتي ومنافق وجاهل، لا كمان بقى نصاب رسمي'.