تامر أمين ردا على تصريحات الراقصة دينا: "اللي يشوفني سكران وبطوح يصورني"

علق الإعلامي تامر أمين، على تصريحات الراقصة دينا والتي قالت فيها أنه مصاب بـ 'شيزوفرينيا'.

وقال تامر أمين، خلال حواره مع الإعلامية أسما إبراهيم في برنامج 'حبر سري' المذاع على قناة 'القاهرة والناس': 'كل الاحترام لدينا أنا معنديش مشكلة مع أي شخص لشخصه، دي حملة تشويه حصلت عليه من المدافعين عن فكرة الرقص لما انتقدتها فنقول إنه سكير وبيسهر .. أولا دي حياتي الخاصة المشاهد ملوش دعوة بيها واللي يشوفني سكران وبطوح أرجوكم يصورني'.

وأضاف تامر أمين: ' الرقص موجود من عشرات السنين وهيفضل موجود وعمري ما طالبت بإلغاؤه بس أنا مبحبوش لأني مبحبش التعري، أنا مذيع ودوري أنتقد ما أرى أنه يسيء للمجتمع.. طول ما الراقصات موجودين في أماكنهم بيرقصوا مكنتش بتكلم لما أول ما الرقاصة بقيت نجمة مجتمع وبقت بتعمل فقرات في الكافيهات والمطاعم وبتقول نصائح للناس وواحدة منهم قدمت برنامج تلفزيوني بقت مذيعة'.

وتابع:'الراقصات أنا مبحبهمش ورافض المهنة بس على الأقل يفضلوا في أماكنهم لكن يغزوا المجتمع أنا ذد ده ودوري في البرنامج إني أحاربه'.