قال الرئيس عبد الفتاح السيسي، إن الأزمة الاقتصادية تلقي بآثارها على العالم بأكمله، وأن الظروف التي نمر بها خارجة عن إرادتنا ونحاول ما أمكن تخفيف آثارها على المواطنين.
وقال الرئيس السيسي، خلال كلمته في احتفالية عيد الشرطة الـ17، المقامة داخل اكاديمية الشرطة المصرية، اليوم الإثنين: 'إحنا جزء من الاقتصاد العالمي، طب لما بتسمعوا في الأخبار على اقتصاديات دول كبيرة بتعاني وتأثر، مش فيه دولة كبيرة معرضة إنها متدفعش الدين بتاعها، دي حاجة، بالمناسبة اللي بيتكلم في ده مؤسسات التمويل الدولي وصندوق النقد، وتداعياته لو حصلت تهز الاقتصاد العالمي'.
وأضاف: 'بقول ده ليه.. لأن الظروف دي مش بتاعتنا دي ظروف القضاء والقدر.. ربنا شاء أن الدنيا تبقى كدا الـ3 سنوات اللي فاتوا ويمكن تستمر معانا شوية كمان طيب هنعمل اية، احنا كدولة بنحاول بكل ما أوتينا من القدرات عشان الأزمة دي متبقاش ضاغطة على الناس.. وإن شاء الله هننجح أكتر'.
وأكمل: 'احنا ماشيين في طريقنا وصادمين وربنا هخلينا نعبر هذه المرحلة، لكن بشرح ليكم عشان احنا جزء من الدنيا ومش منفصلين عنها، ولازم نبقى متابعين وشايفين وعارفين لما بقولكم شوفوا الدول اللي جنبكم.. يقوم يردوا هو بيقولنا كدا ليه.. طب أنا كنت بقول كدا عشان أقولكم إن اللي عندهم الظروف دي لغاية دلوقتي وفي دول بقالها 20 و 30 سنة مقدرتش تتجاوز تلك الظروف'.
وتابع: 'مش عايز أقول أسماء دول.. لأن دي مش من طبيعتنا أننا منزعلش أو نسيء حتى لو كان دا حقيقة، في دول بقالها 20 سنة مخلصتش.. طب انتا خلصت عندك إزاي خلصناه بالله'.
السيسي يشهد احتفالية عيد الشرطة
شهدت احتفالية الشرطة المصرية فيلما تسجيليا قصيرا بعنوان 'تاريخ الشرطة المصرية'، وظهر فيه الفنان أحمد بدير وهو يروي أمجاد الشرطة المصرية في معركة الإسماعيلية.
ووصل الرئيس عبدالفتاح السيسي، مجمع المؤاتمرات بأكاديمية الشرطة لحضور احتفال عيد الشرطة الـ71، اليوم الإثنين.
بدأت فعاليات احتفالية عيد الشرطة بعزف السلام الوطني لمصر، بحضور الرئيس عبد الفتاح السيسي، ووزير الداخلية اللواء محمود توفيق.
ووضع الرئيس السيسي إكليلًا من الزهور على النصب التذكاري بأكاديمية الشرطة.
أعلن السفير بسام راضي، المتحدث باسم رئاسة الجمهورية، حضور الرئيس عبدالفتاح السيسي صباح اليوم الاحتفال بعيد الشرطة في مجمع المؤتمرات بأكاديمية الشرطة.
السيسي يحتفل بعيد الشرطة
تحتفل الدولة في 25 من يناير كل عام بذكرى عيد الشرطة، وذلك بمقر أكاديمية الشرطة في التجمع الخامس، وهذا العام تحتفل بالذكرى الـ71 لمعركة الإسماعيلية 1952، وسط مشاركة شعبية كبيرة.
الاحتفال بذكرى «عيد الشرطة» تخليدًا لمعركة الإسماعيلية 1952، التي راح ضحيتها نحو 50 شهيدًا و80 جريحًا من رجال الشرطة.
وشهد يوم 25 يناير في 1952 على بسالة وتضحيات رجال الشرطة، بعد رفضهم تسليم مبنى محافظة الإسماعيلية لقوات الاحتلال البريطاني، ودافعوا عن كل غالي ونفيث بأضعف الأسلحة والقدرات ليسقط العديد من الشهداء، ومئات الجرحى.
تابعوا آخر أهل مصر على Google News
