الرئيس السيسي: «الدولة مش أكل وشرب بس كل طوبة بتتعمل أنا معاها وشايفها»

قال الرئيس عبدالفتاح السيسي، إن كل ما يتم تنفيذه من مشروعات قومية هدفها مستقبل افضل للأجيال المقبلة.

وأضاف 'السيسي'، في حديثه خلال افتتاح محطة تحيا مصر متعددة الأغراض بمحافظة الأسكندرية، المذاع  عبر فضائية 'اكسترا نيوز'، اليوم الخميس، أن تحقيق وتنفيذ الرؤية وتحويل الدولة من حالة إلى حالة أخرى وراء منها أفكار وجهد وأنفاق كبير في الأموال، متابعًا: 'علشان الدولة تأخذ مكانها وتستفيد من موقعها لابد من بذل جهد وتخطيط وتنفيذ وأرقام كبيرة جدا تضخ هنا'.

وأكمل: 'المسار اللى كان موجود كان كده، واحنا طرحنا ميناء السخنة لمستثمر يعمله واتعمل والحقيقة ده اتنفذ، لكن تطوير الميناء كدولة كان لابد من الحكومة تخش تعمل برنامج ضخم جدًا في بناء قدرات حقيقية للاستفادة من موقعنا اللى بنتكلم عليه'.

وتابع: 'الدولة مش اكل وشرب بس يا مصريين الدولة حاجة تانية خالص وعشان كدا بكتر في الكلام، وكل طوبة بتتعمل انا معاها وشايفها'.