بعد مطالبات دخوله موسوعة جينيس.. عمرو أديب:" أنا مش بتاع الحاجات دي"

كشف الإعلامى عمرو أديب عن طلب البعض من التقديم في موسوعة جينيس للأرقام القياسية، كونه أكثر مذيع قدم ساعات عمل على الهواء.

وقال «أديب»، في تعليق خلال برنامجه «الحكاية»، عبر قناة «mbc مصر»، مساء الأحد، إن البعض يحاول إقناعه بالتقديم في موسوعة جينيس، متابعًا: «بس أنا مش بتاع الحاجات دي».

وأضاف: «في ناس بتبقى مكسوفة تقول إنها بتتفرج على عمرو أديب، بس يقولك إيه أنا كنت معدي ودخلت صيدلية لقيت الراجل بيتفرج على عمرو أديب وكان بيتكلم في الموضوع ده وأنا ضده، صدفة بحتة».

وتابع «أديب»: «مشاهد هذا البرنامج من النوع الذكي الناقد اللي بيميز ويقارن، هو ده المشاهد اللي أنا بحبه، انت مشاهد برنامج الحكاية مشاهد مطلع وفاهم ومن العيار الثقيل مع احترامي لباقي البرامج».