أمير مرتضى منصور: إمام عاشور بيتظاهر إنه أهلاوي علشان أكل عيشه

قال أمير مرتضي منصور، المشرف السابق على الكرة بنادي الزمالك: 'مفيش حد في ليفل المحترفين لاعبين زملكاويين أو أهلاويين.. اللاعبين بالنسبة لهم ده عقد وأكل عيشه.. جوا قلبه هو بيحب مين أكتر؛ دي قصة مش هنعرفها'.

وخلال حواره ببرنامج 'أسرار' المذاع عبر فضائية 'النهار'، تقديم الإعلامية أميرة بدر، تابع 'منصور': 'مثلا كابتن حسام حسن من أساطير الأهلي ولما مشي بشكل هو شايفه مش كويس راح للزمالك واجتهد فيه وكان زملكاوي في الوقت اللي كان فيه في النادي'.

واختتم المشرف السابق على الكرة بنادي الزمالك: 'إمام عاشور بيتظاهر إنه أهلاوي وممكن انتمائه يتغير؛ لأن ده أكل عيشه، مردفا: 'مصلحته بقت فين؟'.