أعرب الإعلامي عمرو أديب، عن فرحته بفوز نادي الزمالك بكأس السوبر الأفريقية على حساب نادي الترجي التونسي بنتيجة 3 أهداف مقابل هدف في المباراة التي أقيمت أمس الجمعة بقطر قائلا: 'لما الزمالك بيلعب حلو بنبقى فاكهة الكورة وإحنا معلمين وفريق فن وهندسة'.
وأضاف خلال تقديمه برنامج 'الحكاية'، المذاع على قناة 'إم بي سي مصر': 'أنا عايز أعرف إيه حالة الحزن اللي كانت مخيمة على قناة بين سبورت والمعلق كان حزين ليه، يا عم إحنا كسبانين، إنما وهو بيعلق بيقول الترجي مينفعش كده؟، أنت بتشجع مين هو فيه إيه'.
وتابع: 'النهارده بنتكلم على مدرب قوي عارف مواهب لاعيبه وألف خسارة أننا لا نأخذ الدوري هذا العام رغم أننا نملك إمكانيات عبقرية، وفيه روح ولعبنا مباراة العمر وإن شاء الله الزمالك طالع المهم نتفرج على الهندسة واللعب الحلو لأن نادينا دوما يحب الفن، ولدينا خط هجوم من أقوى ما يمكن الزمالك النهارده شرفنا ونورنا'، وهتف عمرو أديب على الهواء 'زمالك.. زمالك.. مصر كسبت النهارده وفرح المصريين برة وجوه وإن شاء الله اللي جاي أجمد والزمالك أقوة وسنظل أوفياء'
تابعوا آخر أهل مصر على Google News
