اعلان
اعلان

الداعية أمير منير: اللي عمله محمد رمضان مع الطيار زي الشيطان لما قال للإنسان اكفر" (فيديو)

الداعية أمير منير
الداعية أمير منير
كتب : أهل مصر

سخر الداعية أمير منير، على واقعة الطيار أشرف أبو اليسر والفنان محمد رمضان، والتي ترتب عليها فصل الطيار من عمله مدى الحياة بعد سماحه للفنان محمد رمضان بالدخول إلى كابينة الطائرة، أثناء عودتها من إحدى الرحلات، مما يخالف قواعد الطيران العالمي.

ونشر منير فيديو عبر صفحته الشخصية بموقع التواصل الاجتماعي فيس بوك، سخر فيه على واقعة الطيار ابو اليسر ومحمد رمضان،

فقال: 'كارثة ومنتشرة على السوشيال ميديا، والعهدة على الراوي، مش أنا اللي مألفها، ماليش دعوة هي بتتكتب كده، مرة أسطورة نمبر وان في نفسه، ركب طيارة، فلما ركب الطيارة، لازم يطلع جامد وتنين ومحصلش، إزاي يتصور وهو ماسك جادون الطيارة'.

وتابع: فقام داخل قايل للطيار ممكن أتصور اللقطة، فالطيار قاله يلا، ولكن أدعى أنه مكنش عارف إن الموضوع دا للنشر، المهم طبعا اتصور وأخذ اللقطة ونزلها على البتاع، وكل سنة وأنت طيب، أول مانزلت على السوشيال ميديا قلبت الدنيا، والطيار عرف وقاله يا أسطورة الله يسترك هروح في داهية، قاله داهية مين ياعم مافيش دواهي هنا، أنا هنا الأسطورة وراك.

واستكمل: واللي حصل إن الراجل اترفد ومستقبله المهني راح في داهية، ورجع تاني، قاله يا أسطورة، راح رد عليه قاله بص العصفورة، مافيش الأسطورة، وأنت عارف أننا بنصور في الفيديو قولتلك وأنت قاعد وسامع، كل سنة وأنت طيب وهتوحشني.

واستشهد أمير بيوم القيامة، عندما يأمر الله عز وجل الناس التي تتبع أشياء كثيرة في الدنيا، وتسمع كلامها وتعبدها، أن تتبعها إلى النار، فقال: يساق كل من عبد حاجه غير الله إلى النار، مين اللي كان ضاحك عليه وسايبلهم الدنيا، وبيقولهم مافيش لا عقاب ولا ثواب؟.. إبليس، فجأة تلاقي عضو كدا خارج من النار، تقول بس أبو الأبالسه جه.

وأضاف: قَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدْتُكُمْ فَأَخْلَفْتُكُمْ وَمَا كَانَ لِيَ عَلَيْكُمْ مِنْ سُلْطَانٍ إِلَّا أَنْ دَعَوْتُكُمْ فَاسْتَجَبْتُمْ لِي فَلَا تَلُومُونِي وَلُومُوا أَنْفُسَكُمْ مَا أَنَا بِمُصْرِخِكُمْ وَمَا أَنْتُمْ بِمُصْرِخِيَّ.

وأردف: حد ضربك على إيدك ياحبيبي عشان توافق، ربنا بيجعل اللقطة دي عشان الناس تشوف اللي عملوه، لا تصدق شياطين أنس ولا جن، مافيش حد بينقذ حد، ربنا بيجعل في الأنس شياطين، عادي زي ما موجودين في الأنس'.

WhatsApp
Telegram
عاجل
عاجل
«حاول إطفاء النيران».. المعاينة تكشف سبب حريق شقة نجل فؤاد المهندس