اعلان
اعلان

مجدي عبد الغني يكشف سر بكائه في عزاء مبارك وابتسامته في فرح نجلة شوبير (فيديو)

مجدي عبد الغني في عزاء مبارك
مجدي عبد الغني في عزاء مبارك
كتب : أهل مصر

نشر الكابتن مجدي عبد الغني عضو مجلس إدارة اتحاد كرة القدم المصري السابق، مقطع فيديو عبر قناته الرسمية يوضح فيه حقيقة تأثره وبكائه في عزاء الرئيس الراحل محمد حسنى مبارك، أمس، وسر حضوره لحفل زفاف نجله المعلق الرياضي مدحت شلبي بعدها بساعات.

وقال: 'الرئيس السابق كان بيحبني الله يرحمه، وأنا في فترة حكمه تقلدت ألقاب وأوسمة كثيرة جدا، وعلاقتي مع أولاده في منتهي الاحترام، لأنى بعزهم جدا على المستوى الشخصي وبحبهم، وأعتقد إن أنا امبارح المشاعر فرطت مني، وخرجت عفوية، وملهاش أي نوع من أنواع المصالح'.

وأضاف 'لا سيادة الريس الله يرحمه هيرجع يديني وزارة ولا هيرجع يديني منصب تانى، يعني أستاذ علاء ابتسامته دي عشان يهديني، بصراحة انا افتكرت كل الأيام الحلوة الى لما لعبنا مع بعض كورة، وافتكرت الريس لما حبيت أقابله وقالهم مجدي طبعا ييجي بسرعة، وقالى انت لسه ياض يا مجدي مربي دقنك'.

وتابع 'وضع طبيعي جدا لعزاء لواحد انا بحبه جدا، وفي فرح بعده لواحد انا بحبه جدا و بعزه جدا، إيه المشكلة، انا ولا رقصت ولا حاجة، كل الى عملته روحت قعدت ساعة مع ابني، و خدنا بعضنا ومشينا، كابتن مدحت شلبي أخ كبير ليا'، وأختتم حديثه قائلاً 'انا سعيد جدا بالاهتمام دا، يعني دلوقتي لو دخلت على جوجل هتلاقيني تريند، لو دخلت على أى حاجة هتلاقيني انا نمرة واحد، فضل من عند ربنا، مع إنى مبعملش بالكلام دا فلوس، معرفش بيتعمل منه فلوس إزاى يعنى، انما هى دى شهرة'.

WhatsApp
Telegram
إقرأ أيضاً
عاجل
عاجل
لأول مرة.. أهالي الجنود الإسرائيليين الأسرى يجتمعون اليوم مع نتنياهو