تداولت مواقع التواصل الاجتماعي بمحافظة المنوفية، على مدار الأيام الماضية، ظاهرة قلما تجد مثلها خاصة في مثل هذه الأيام شديدة الحرارة، لرجل يوزع المياه على ركاب قطار المنوفية.
وسلط رواد موقع 'فيسبوك'، الضوء على بائع سبح وعود، يدعى 'أحمد جعفر' يقوم بتوزيع المياه بالمجان يوميا على المسافرين بخط 'المنوفية - القاهرة'، أثناء توجهه إلى عمله بميدان العتبة في القاهرة.
ونشرت إحدى صفحات موقع التواصل الاجتماعي 'فيسبوك' بمحافظة المنوفية، صورة لرجل ملتحي يقوم بتوزيع المياه على ركاب قطار المنوفية، وعلق أحد المسؤولين عن الصفحة قائلا: 'الشيخ أحمد جعفر الراجل المحترم دا من المنوفية.. وتحديدا من مدينة أشمون أرض القمر.. بيلف في القطر وبيوزع مايه علي الناس الموجودة علشان خاطر الحر'.
وأضافت الصفحة: 'الراجل دا دايما تلاقيه في قطر الساعه 10 صباحا.. ومش بيعمل كدا النهاردة أو من شهر .. لا من سنين وهو بيعمل كدا.. الراجل دا بيبيع سبح وعود في ميدان العتبة.. واللي بيسافر من على خط 'المنوفية للقاهرة' أكيد هيشوفه.. ودائما مبتسم.. ربنا يجازيك كل خير.. تحبوا تقولوا أي ليه؟'.
وتفاعل متابعي الصفحة بشكل كبير مع هذه اللفتة الإنسانية الرائعة بالعديد من التعليقات الإيجابية، حيث قالت إحدى المتابعات: 'ربنا يبارك في عمره ويجازيه عن كل نقطه ماء خير الجزاء'، وعلق آخر: 'هذه هي التجارة الرابحة.. تجارة مع الله.. جزاه الله خيرا'، وأضاف آخر: 'عارفه وبشرب منه ربنا يجعله في ميزان حسناته يارب'، وكتب أحد المعلقين: 'بشوفو كتير وف عز الحر والزحمة يكون بيوزع مياه ع الناس.. وسبحان الله المياه بتاعتو بتبق حلوه أوي مش بأڤور.. بس أنا شربت منه وكنت مبسوط إني شايف ناس كويسين لحد دلوقتي.. ربنا يديله الصحة والعافية ويرزقه من وسع'.
وعرضت إحدى صفحات موقع التواصل الاجتماعي، منذ قليل، فيديو بث مباشر للشيخ أحمد جعفر وهو يمر على الركاب بقطار المنوفية ويقوم بتوزيع المياه عليهم، وسط إشادة من الركاب بهذا العما الإنساني.
وتفاعل متابعو الصفحة على الفيديو بالتعليقات المحفزة، حيث كتب أحدهم: 'المفرح فعلا إن الناس دي هي اللي تستاهل نسلط عليها الضوء لما فيهم من قدوة لغيرهم.. ربنا يجازيه خير الجزاء'، وعلق آخر: 'جزاك الله خير الله اشربك من حوض النبي'، وأضاف متابع آخر: 'جزاك الله خير الله اشربك من حوض النبي'، بينما طالبه بعض المعلقين باتخاذ الإجراءات الاحترازية حتى لا يتسبب في نقل عدوى فيروس كورونا بين الركاب، فكتب أحد المتابعين: 'ربنا يجازيه كل خير بس المفروض ياخد الاحتياطات عشان كورونا '، وعلق آخر: 'ياعم غلط ده ينقل ألامراض هو مشكور بس بيضر الناس'.
تابعوا آخر أهل مصر على Google News
