أبدي الارجنتيني هيكتور كوبر المدير الفني للمنتخب الوطني عن ثقته في تأهل المنتخب إلى المونديال المقبل 2018 فى روسيا وتجاوز المجموعة التي تضم غانا وأوغندا والكونغو.
وقال كوبر:" احتمالية صعودنا لكأس العالم 100% أنا متفائل بكده جوايا بيقولي 100% .. أه في دعم من اتحاد الكرة لأن كلنا عندنا هدف واحد عارف كلكم هتكتبوا أن كوبر بيقول مصر هتوصل لكأس العالم 100% لأ أنا بقول نتيحة لاحساسي .. وعايز الحظ يبقى معايا دايما مش لاعب بعينة".
وتابع : "لو هنتكلم عن النتائج في أخر لقاءين أه في حاجات كويسة حصلت في المواجهتين ولكن في حاجة سيئة كتير ، وأنا متفائل جدا بمستوى المنتخب ومتفائل بالفوز على الكونجو وغانا أعتقد إننا عملنا حاجات كويسة مش مبهرة أه بس إحنا ماشيين كويس والجهاز متفهم طبيعة كل مرحلة".
وأضاف:" أنا أثق في اللاعبين جدا وارد أن المعسكر القادم يكون في تغييرات، أنا عارف إني من نظر ناس كتير إني ظالم والبعض شايف عادل لكن في النهاية عليكم النظر للنتائج النهائية".
تابعوا آخر أهل مصر على Google News
