أعرب الفنان تامر حسني، عن سعادته، لأنه تسبب في خطوبة إثنين من جمهوره في المغرب، وشارك جمهوره بفيديو لهما، قبل وبعد خطوبتهما، عبر حسابه الشخصي بموقع تبادل الصور والفيديوهات الشهير إنستجرام.
وعلق تامر حسني على الفيديو قائلاً: "أميمة وعلي من جمهوري حبايب قلبي من المغرب قابلتهم أيام حفل موازين وقالي علي انا حبيت أميمة على أغانيك وإن شاء الله هخطبها بعد سنتين لما اشتغل، قولتله أنا مش موافق، أنا عايزك تشتغل من دلوقتي وتشد حيلك وتخطبها بعد سنة".
وتابع: "بجد أنا فرحان من كل قلبي، وبباركلهم وفخور بعلي قوي بزاف، عشان فعلًا سمع كلامي وخطبها في السنة الي قولتله عليها، أنت راجل حقيقي يا علي عشان وعدتني بالنجاح وصدقك لحبيبتك أنت مثال للرجل المحترم القوي، مبروك يا أميمة ربنا كرمك بإنسان ورجل بكل المعانى، ربنا يحفظكم وعقبال كل الي نفسهم يتخطبوا ويتجوزوا أهم حاجة الاختيار السليم مهما اتاخر النصيب".
View this post on InstagramA post shared by Tamer Hosny (@tamerhosny) on Dec 5, 2018 at 4:59am PST
تابعوا آخر أهل مصر على Google News
