هجوم عنيف من تامر أمين على شيرين عبد الوهاب: "مش هنسمح بالإساءة لبلدنا" (فيديو)

شن الإعلامي تامر أمين هجومًا عنيفًا على المطربة شيرين عبدالوهاب، موضحًا أنها أساءت إلى مصر، مطالبًا نقيب الموسيقيين بإيقافها عن الغناء، جاء هذا بسبب تصريحها "والله أنا خسارة في مصر" خلال إحيائها رأس السنة، وكشف في تصريحات له خلال برنامج "آخر النهار" المذاع عبر فضائية "النهار"، "شيرين تحيرك متعرفش إن كنت تحبها بسبب صوتها التحفة وحنجرتها الرائعة وأغانيها وقدرتها على الطرب وحاجة تشرف إن عندك صوت مصري حلو كده.. وتحير كمان إنك متعرفش تكرهها وتزعل منها بسبب أفعالها وسلوكياتها ولسانها اللي طول الوقت بيقول كلام مش مسؤول وبتسيئ لنفسها وللناس وللبلاد".

وأضاف: "واضح إنها مش قادرة تظبط لسانها في الحفلات اللى على الهوا.. مفيش حد خسارة في مصر.. التريقة على البلد مش هنسمح بيها.. بطالب نقيب المهن الموسيقية الفنان هاني شاكر بالتدخل لمنع غناء شيرين على الهواء".