تحل اليوم ذكري ميلاد الفنان القدير الراحل سعيد طرابيك، الذي امتعنا طيلة مشواره الفني بالعديد من الأعمال التي ستظل عالقة فى عقولنا، فناناً برع فى تقديم مختلف الأدوار سواء الشر او الكوميدي او التراجيدي.
وعن قصة حبه وارتباطه بزوجته الفنانة سارة طارق، قال فى إحدى البرامج التليفزيونية: "اول ماشفتها حسيت ان البنت دي هيبقي فيه مشكلة حكاية معاها.. هي خلصت المشهد بتاعها ورايحة تغير هدومها وانا كان فيه قهوة المفروض دوري اني المعلم بتاعها .. قولت ايه ده البنت دي فيها حاجة فعلا عندها كاريزما مشفتهاش فـ بنات كتير .. قلبي دق بس مكنش فيه حب كان اعجاب .. وفكرت في السن واللي دار في دماغي معقول دي هتوافق عليا وتحبني؟".
وتابع سعيد طرابيك: "بدات اكلمها عكستها قولتلها ايه "ياموزة" بتعملي إيه هنا؟ .. شايف فيها حاجات مشفتهاش حياتي اتلونت الحياة بعد كدة الوان وريحة وطعم".
وفى نفس اللقاء قالت سارة طارق: "فى الوقت اللي اعجب بيا فيه كنت انا فنفس الثانية اعجبت بيه.. واول مكلمني وقالي رقم تليفونك وانا بطبعي مبديش أرقام تليفوناتي لاي حد بس ده على طول اديتو رقم التليفون".
اقرأ أيضا: على طريقة كده رضا.. تعرف على صراع الأشقاء في رمضان 2019 (صور)
ولد الفنان سعيد طرابيك فى القاهرة عام 1941، بدأ مشواره الفني في أواخر ستينيات القرن العشرين، وعمل فى المسرح والتلفزيون والسينما، وازدادت شهرة طرابيك بعد وقوفه أمام الفنان عادل امام فى كثير من الأفلام والمسرحيات، ابرزهم مسرحية "شاهد ما شفش حاجة" عام 1976، وفيلم "سلام يا صحبي"، شارك أيضاً بأدوار ثانوية في كثير من الأعمال منها مسلسل "الكبير أوي"، وفيلم "جزيرة الشيطان" عام 1990، وفيلم "وش إجرام" عام 2006 وغيرها من الاعمال.
تابعوا آخر أهل مصر على Google News
