اعلان
اعلان

انت مش راجل .. محمد رمضان يطرح أغنية "هما عايزينها فوضى" (فيديو)

طرح الفنان محمد رمضان، منذ قليل عبر قناته الرسمي على موقع الفيديوهات الشهير "يوتيوب"، أحدث أغانيه التي تحمل اسم "هما عايزينها فوضى"، والتي هاجم خلالها منتقدي الرئيس عبد الفتاح السيسي والدولة المصرية.

كليب محمد رمضان

وكان محمد رمضان أعلن أمس عن طرح كليب الاغنية، من خلال فيديو له عبر موقع الصور والفيديوهات الشهير"إنستجرام"، وهو يغني جزء من الأغنية، وعلق عليها قائلا: الليلة كليب هما عايزنها فوضى على قناتي الرسمية على يوتيوب ثقة في الله نجاح".

وواصل محمد رمضان قائلا: "خناقتي مع كل اللي بيحربوا مصر من برا أرض مصر .. الشعب المصري مش عرايس مارونيت علشان حد يحركهم من برا أرضهم الرجال أفعال والراجل الحقيقي ماحدش يقدر يسخنه على أهله وبلده".

اقرأ ايضا.. مؤلف أغنية "إنساي" يكشف لـ "أهل مصر" رأيه في محمد رمضان

كلمات اغنية هما عايزينها فوضى

اولا انت مش راجل

بعد ما هربت بعيد جاي تعمل فيها مناضل بالباطل

ازاي عايز تخطط لمستقبل شعب كامل

لو مشروع حياتك الوحيد اللي انت عملته فاشل

تعرف ايه انت عن الشارع و اللي بيحصل فيه

تعرف ايه عن الطفل اللي من صغره بيصرف عالبيت

تعرف ايه عن الغلبان اللي بيعرق لأجل الجنيه

اكيد مسمعتش صوت الشعب و انت جوه الكباريه

تعرف ايه عن الاصول و حق الملح و العيش

تعرف ايه عن الامان اللي سببه الشرطه و الجيش

اللي مالوش كبير بيشتري ده اللي اتربينا عليه

و ده بينفي انتماء الشارع اللي بتدعيه

طب افترضنا ان كلامك ده بجد

لما نعض في بعض ازاي ده هجيبلك حق

استنى انت بتقول انك مقاول

فطبيعي مش هتلاقي فرصه شغل غير لما الدنيا تتهد

البينه على من ادعي

لو اتفرقنا مين وراك هيبقى ليه منفعه

ابليس و اخوانه عايزينها مولعه

مصر جنه بيهابوها عشان اهلها متجمعه ..

هما عايزينها فوضى فوضى فوضى فوضى

مهما هيعلوا صوتهم لسه صوت الحق اوضح

عدى علينا كتير منكم على مر الازمان

احنا مقبره غزاه انتوا مجرد هواه

الخسيس الجبان ملوش وسطنا مكان

هنفكركم لو نسيتوا بلد الامن و الامان

اللي اتذكرت في القرأن و بتعلى كل يوم بولادها

اللي منهم عالحدود و اللي بيذاكر المنهج

الفلاح و الصنايعي و الظابط و الام في بيتها

مش اللي قرر انه يبيعها و يهرب منها بعيد و يسيبها

الراجل اللي بجد لو ليه حق مش هيسيبه

لو هرب اخر الدنيا لازم يرجع ويجيبه

عذرا على التشبيه بالنسبالنا التخريف

زي اي فيديو ليك مفيش عاقل عايز يعيده

هما عايزينها متدمره

بالنسبالنا وطن بالنسبالهم مستعمره

بالعدل و السلام هنتحرك لقدام

مستحيل نرجع خطوه تاني ورا

هما عايزينها فوضى فوضى فوضى فوضى

مهما هيعلوا صوتهم لسه صوت الحق اوضح

إقرأ أيضاً
WhatsApp
Telegram
إقرأ أيضاً
عاجل
عاجل
لأول مرة.. أهالي الجنود الإسرائيليين الأسرى يجتمعون اليوم مع نتنياهو