مها الصغير تروي موقفًا مؤثرًا لوالدها بعد تدهور حالته الصحية: "تزوج والدتي بعد انفصال 22 عامًا"

كشفت الإعلامية مها الصغير موقفًا مؤثرًا لوالدها خبير التجميل محمد الصغير وذلك بعد تدهور حالته الصحية آثر إصابته بفيروس كورونا، حيث روت أنه تزوج والدتها بعد انفصال دام 22 عامًا.

مها الصغير تتحدث عن والدها

ونشرت مها الصغير صورة لوالديها عبر حسابها بموقع الصور والفيديوهات الشهير 'إنستجرام'، وكتبت: 'في حاجه مهمة اوي عايزة كل العالم يعرفها، وأكيد مش هعرف أكتب الكلام ده تاني.. أبطال القصة دي هم أبي وحياتي كلها واللي يعرفني كويس يعرف إن محمد الصغير مش أبويا بس هو حب عمري'.

وتابعت: ' البطلة التانية هي أعظم ست في العالم ملكة العلايلي. قصة حب عشتها علي مدار كل يوم وكل ثانية لغاية اللحظة حتى لما اتطلقوا كنت عارفة إنه بيحبها وهي بتحبه وعمري ما شفته أو شفتها سعيدة غير وهي مراته'.

وأضافت: 'المهم أمي اتجوزت ـبويا وهي من عائله ارستقراطيه وهو من عائله بسيطة وتحدت أهلها وقطعوها وهو لم يكن معاه سوى ١٠٠ جنيه، وحصل مشاكل واتطلقوا من ٢٢ سنة ويوم ما تعب وهو حواليه ناس كتير اوي (بس في الافراح فقط)، طلب مني أطلب أمي في التليفون وطلب يشوفها وجت له علي طول'.

واسطردت حديثها: 'يوم ما حس انه ضعيف اوي و تعبان بجد طلب ضهره و سنده اللي بجد مش في المنظره و جت و طلب منها متزعلش منه و انها تتجوزه علي سنه الله و رسوله تاني، واصدقاء الابطال في هذا الفيلم الجميل الي شهدوا هذه اللحظه هما انا و اخويا مصطفي و اخويا التاني الدكتور الي مسبنيش لحظه يحيي البستاني'.

زواج محمد الصغير

واختتمت مها الصغير حديثها عن والدها محمد الصغير، وقالت: 'الدنيا اتدربكت وطلب مأذون و جه المأذون جوز ملكه العلايلي لمحمد الصغير علي سنه الله ورسوله، فهذه العظيمه اتجوزته و هو محلتوش حاجه و في عز ضعفه و رجعت له و هو في عز ضعفه برده، ونام في حضنها و هو مرتاح اوي، هو الان في امس الحاجه للدعاء لانه في لحظات حرجه اوي اوي اوي، ادعوا له و اسفه اني طولت عليكوا'.

اصابة محمد الصغير بكورونا

وكان أصيب خبير التجميل محمد الصغير، والد الإعلامية مها الصغير زوجة الفنان أحمد السقا، بفيروس كورونا المستجد بعد أن أثبتت المسحة إيجابية حالته. ونُقل محمد الصغير إلى المستشفى، بعد حدوث مضاعفات لحالته، إلى وحدة العناية المركزة، إذ يعاني من صعوبة في التنفس.