وجهت الإعلامية المعتزلة ريهام سعيد الشكر لجمهورها بعد نشرهم فيديو لها يرصد مسيرتها في مجال الإعلام على مدار 20 عاماً، وقامت بنشر الفيديو عبر حسابها على موقع تبادل الصور والفيديوهات إنستجرام.
وعلقت ريهام سعيد على الفيديو قائلة: 'متشكرة لكل الفانز و لجمهوري اللي حسسني أن الـ ٢٠ سنة مضاعوش بالفيديو ده ..مشوار طويل و متعب لكن الحمد لله قيمته كبيرة على الاقل عندي'.
اعتزال ريهام سعيد
وأعلنت ريهام سعيد منذ أيام عبر حسابها على إنستجرام اعتزالها العمل الاعلامي بشكل نهائي والتركيز في التمثيل وعلقت قائلة: 'فكرت كتير قبل ما أكتب البوست ده، أنا اعتزلت التمثيل سنة ٢٠١٥ لأني حسيت أن صاحب بالين كداب و أن التمثيل مأثر علي مسيرة الخير اللي ابتديتها من سنين طويلة عشان الوقت و المجهود الي بعمله'.
وتابعت:'لكن عشقي للتمثيل الي هو دراستي ومهنتي الأولي قبل الاعلام رجعت أمثل تاني و أنا لسه في نظر المخرجين و المنتجين مذيعة عايزة تمثل، كنت عارفة ـن عشان أخد مكان كممثلة لأزم أسيب الإعلام زي مع حفظ الألقاب داليا البحيري و بسمة و دينًا فؤاد و دينا الشربيني و غيرهم بس مكنتش قادرة أسيب رسالتي اللي كانت مهمة أوي وقتها'.
واضافت:' انا حصل لي مشاكل كتير من المهنة دي بتأثير باطل من السوشيال ميديا من منافسين و أعداء بسبب المشاهدة العالية جداً و النجاح أنا تعبت وحاسة أني قدمت كل اللي ممكن يتقدم والدولة عاملة اللي عليها و مش محتاجين دور المجتمع المدني في مساعدة الناس و لكن انا ليا الشرف اني اشتغلت في المهنة العظيمة دي اللي ليها رسالهة سامية وعظيمة و ليا الشرف اني كنت إعلامية في أصعب وقت مر على الإعلاميين ايام حكم الاخوان و الحمد لله كان لينا موقف واضح و ماتغيرش و لا دقيقه'.
تابعوا آخر أهل مصر على Google News
