يُجري الفنان حسام داغر عملية جراحية في قدمه الأن بإحدى المستشفيات الكبرى في 6 أكتوبر، وكشف داغر بأنها العملية الثانية في قدمه والذي طلب الأطباء إجراءها بشكل سريع.
عملية حسام داغر في قدمه
وكشف حسام داغر عبر حسابه بموقع التواصل الإجتماعي 'فيسبوك'، تفاصيل العملية، وكتب: 'مبحبش اتكلم كتير في حاجه تخص تعب عندي او اشكي لحد و بحب دايما الناس تشوفني مبسوط زي ما بحب اشوفهم مبسوطين'.
وتابع: 'انا جيت من السفر امبارح بس كنت مصاب اصابه جرح كبيرفي رجلي و انا في جورجيا و دخلت بسببها المستشفي الالماني هناك عملوا جراحه سريعه و افتكرت الموضوع هيخلص علي كده بالمتابعه و لكن بعد كام يوم لقيت الموضوع بيكبر و مخلصش و مضطر اعمل عمليه النهارده في مصر بعد ما رجعت و قالولي الحالة طارئه وللاسف العمليه بنج كلي و المتابعه بعدها اهم لضمان نجاح العمليه'.
واستكمل: 'قلت الحمدلله وانا مؤمن دايما ان قضاء الله اخف و احن من اي حاجه تانيه و اكيد ده الافضل لاني واثق ان ربنا بيختارلي الافضل'.
اختتم حسام داغر حديثه، وقال: 'بطلب منكم الدعاء بس لتخفيف اي الام و بشكركم انا بس حبيت اشارك لحظات ضعفي زي لحظات فرحي لاني انسان طبيعي بشعر بالخوف و الضعف زي اي انسان و بمر بفترات مختلفه بس علطول بقول الحمدلله علي كل شيء .. الحمدلله في السراء .. الحمدلله في الضراء .. الحمدلله عل كل حال'.
تابعوا آخر أهل مصر على Google News
