محمد محمود لمحمود البزاوي: أنا اسف أني بتعصب عليك دلوقتي

وجه الفنان محمد محمود رسالة للفنان محمود البزاوي، ردا على دعوة الاخير للاعب الكرة العالمي كريستيانو رونالدو للعب في صفوف نادي اتحاد الدلتا.

وشارك محمد محمود عبر حسابه الرسمي على موقع التواصل الاجتماعي فيس بوك، مقطع فيديو وقال لمحمود البزاوي بطريقة كوميدية:"أقول له عيب، ماتضحكش علينا الناس يا أستاذ محمود".

واضاف:" كريستيانو رونالدو مش شوية عشان تقول له كدة، لا يا محمود أنا مكنتش متوقع أن تطلع منك كدة، هو الموضوع بالبساطة دي؟ بالتفاهة دي؟ كريستيانو رونالدو عشان ييجي مصر لازم يبقى في استعدادات كتير يا استاذ محمود، قولوا لي أنا أعملها لكم، مش تقول له تعالى العب في اتحاد الدلتا".

واكمل محمد محمود: "أنت عادي طبيعي ولا في حاجة حصلت؟ أنا هقول لك يتعمل ازاي يا محمود، الأول نجيب مدرب عالمي عشان عن طريقه نقدر نجيب كريستيانو رونالدو، مش كدة يا محمود مش للدرجة دي يعني، أنا اسف أني بتعصب عليك دلوقتي، شكرا".