أوضح الشاعر إسلام خليل، تفاصيل مكالمة الزعيم عادل امام له ، وذلك خلال حواره ببرنامج "نص الكلام" المذاع عبر فضائية "النهار".
وقال إسلام خليل في حواره:"في عام 1999 عملت مبخفش وأنت عارف أنا ممكن أعمل أيه كسرت الدنيا لشعبان عبد الرحيم.. ومفيش أغنية لأستاذ أحمد عدوية إسمها هبطل السجاير أو أنا بكره إسرائيل.. يعني أنا عملت موهبة فى الكلام وطريقة جديدة، والدليل على ذلك ألاقي الأستاذ صلاح عبد الله بيكلمني وغيرهم".
وتابع خليل قائلا: "الكبيرة أوي أن الأستاذ عادل إمام كلمني روحت قايم واقف، وأتصل بيا بيقولي أزيك يا حبيبي قولتله ربنا يخليك، قالي أنا واحد معجب بيك ونفسي تكتب إسمي فى أجندة خاصة بالمعجبين ، وقوتله على راسي بس مين حضرتك قالي أنا عادل إمام روحت واقف".
واضاف قائلا في حديثه:"مكنتش مصدق نفسي، وقالي أنه عايزني فى أغنية فيلم التجربة الدينماركية ومتعملتش، ولكني فضلت معاه فترة التصوير الخاصة بالفيلم كله.. لأنه كان حاببني جدا.. وفى مسلسل العراف عملتله غنوة
تابعوا آخر أهل مصر على Google News
