كشف المطرب لؤي الأسباب التي دفعته للغياب عن الساحة الفنية لسنوات، وذلك خلال لقائه مع الإعلامية ياسمين عز، ببرنامج كلام الناس المذاع عبر قناة أم بي سي مصر.
لؤي في برنامج كلام الناس
وقال لؤي في حديثه: 'لم أبتعد عن الوسط الفني..ولكن مع الأسف الناس بيحبوا تتبع المشاكل وعورات الغير، وبدل ما يبص للفن اللي بنقدمه بيبص للفضايح ومين أتجوز ومين أتطلق، وكمان من 2008 صناعة الموسيقى ضايعة خالص بسبب الإنتاج.. فيه أزمة في حقوق الملكية الفكرية، وبقينا كـ مطربين ننتج الأغاني لنفسنا وطبعا دي مسؤولية كبيرة خاصًة أننا عندنا بيوت وناس ورانا'.
واضاف لؤي:'بقول للجمهور أنتوا متعرفوش الفنان دا بيصرف إزاي والتزاماته إيه، ومن بداياتي خالص كنت متعود يكون معايا شركات إنتاج، إنما دلوقتي مفيش إنتاج ودا بقى على عاتقي، والأغنية عمرها ما بتجيب عائد الإنتاج، وصناعة الموسيقى كمان مش بتجيب فلوس'.
وواصل:'نشوف كام مطرب وملحن وموزع بعدوا عن الوسط بسبب الظروف دي، ومع ذلك أحنا بنحاول نكمل؛ لأننا بنحب الفن'.
تابعوا آخر أهل مصر على Google News
