عصام عمر: مكنتش حابب أعمل مسلسل "بالطو" في البداية

كشف الفنان الشاب عصام عمر، عن أنه رفض دور البطولة في مسلسل 'بالطو'، حينما عُرض عليه لأول مرة.

عصام عمر: مكنتش حابب أبقى بطل

وقال عصام عمر، بطل مسلسل 'بالطو'، خلال استضافته وفريق عمل المسلسل في برنامج 'معكم منى الشاذلي' المذاع على قناة 'سي بي سي'، إنه أخبر المخرج أنه من الأفضل اختيار ممثل أكثر موهبة وشهرة منه، حتى يضيف نجاحًا حقيقياً للعمل.

وأضاف عصام عمر، أن مخرج العمل عمر المهندس تمسّك به، ورفض إسناد دور البطولة لأي ممثل آخر، قائلا: 'في البداية مكنتش حابب إن أنا أعمل المسلسل، مكنتش حابب أبقى بطل ولا أعمل ده دلوقت خالص، مكنتش مقتنع وحاسس إن ممكن نجيب ممثل تاني أفضل ومشهور أكتر، فا هينفعهم'.

وتابع عصام عمر: 'عمر صاحبي من زمان وأخويا فمكنتش عاوز في أول تجربة ليه ألبسه في حيطة.. كنت عاوز ممثل جامد مشهور يبقى مكاني بحيث عمر تجربته تنجح.. لكن عمر قالي مش هعمله غير بيك.. وقد كان'.

وأكمل عصام عمر: 'الموضوع مش إني أكون بطل وخلاص.. الموضوع هل هقدر أقدم حاجة تستاهل ولا هتقدم لهم كبطل وهتبقى الناس بتضيع وقتها على حاجة مش محترماها.. كان نفسي أبقى بعمل حاجة حلوة بس'.

مسلسل بالطو

يذكر أن مسلسل 'بالطو' تصدر التريند بمؤشر البحث الأشهر جوجل ومواقع التواصل الاجتماعي المختلفة، ورغم نجاحه الكبير مع عرض الحلقات الأولى إلا أنه أثار ضجة واسعة وتعرض للانتقادات.