أعاد رواد مواقع التواصل الاجتماعي نشر مقطع فيديو قديم للفنان عمر الشريف والفنانة داليدا، وذلك في ثمانينيات القرن الماضي.
وقال الفنان عمر الشريف لـ داليدا خلال الحديث المصور: 'لسة فاكر أول يوم شفتك فيه كويس جدًا، كنت عند منتج وكنت لسة عامل 3 أفلام، ولما دخلت لقيت بنت جميلة جدا، ومثيرة جدا قاعدة معاه، اتكسفت لما شفتك، وبعدين معرفتش أعمل أيه وبصتلك كتير من طرف عيني عشان استكشفك'.
وأضاف عمر الشريف: 'لما خرجتي سألت المنتج مين البنت دي؟ فقال لي دي بنت إيطالية اكتشفتها، وبيتهيألي هيكون ليها مستقبل في مجال التمثيل'.
وتابع: 'قلت له متعرفش تعرفني عليها، أنا عايز أخرج معها فقال لي أنا هعرفكم ببعض وأنت أتصرف، فانتي دخلتي المكتب تاني والمنتج عرفنا على بعض، وأنا عزمتك على العشاء'.
داليدا وعمر الشريف
وقالت الفنانة داليدا لـ عمر الشريف: 'يعني قصدك أنت عكستني وأنا نسيت'.
ليرد عمر الشريف عليها قائلًا: 'غالبًا معجبتكيش بوستي'، وتجيب داليدا: 'بجد معرفش بما إني مش فاكرة، أنا أسفة جدًا، لكن في حاجة أنا معجبة بها جدًا فيك، أنت عملت حاجة كان نفسي أعملها أوي، كانت فيلم غنائي كوميدي، أنا عارفة أنك عملت فيلم مع باربرا سترايسند، FUNNY GIRL وأنا إللى مغنية لسه معملتش أي فيلم غنائي'.
عمر الشريف وداليدا
وتغزل عمر الشريف في داليدا قائلاً: 'عارفة أكتر حاجة بعشقها فيكي.. حلاوة الميلودراما اللي فيكي، مش عارف ليه الناس مش بتحب كلمة ميلودراما، دي جزء من شخصيتنا كلنا كشرقيين وإنتي شرقية، وهي أننا بنبالغ دايمًا في رد الفعل أكثر من اللازم، شوفتي صداقتنا ومشاعرنا.. مشاعرنا بتبقى ضخمة وعميقة وده مذهل، دي حاجة مبهرة أنك تخلى اللي قدامك يحسوا بمشاعر عميقة'.
تابعوا آخر أهل مصر على Google News
