علق الفنان نبيل الحلفاوي، على ظاهرة دخول جماهير الأهلي لاستاد القاهرة قبل 7 ساعات من مباراة المارد الأحمر المرتقبة، في نهائي دوري أبطال أفريقيا، أمام الوداد المغربي.
الأهلي والوداد نهائي دوري أبطال أفريقيا
وقال نبيل الحلفاوي ردا على متابع له عبر حسابه بتويتر:'الحقيقة يا وائل إني من زمان ببقى تاعبلهم وكمان مستخر استنفاذ جهدهم قبل الماتش بساعات عشان كده عملت رتويت لكلامك وتويتات أخري بنفس المعني. لكن..خطرت ببالي حاجة لو صحت تريحنا شوية..قلت طيب بيروحوا بدري مضطرين لكن إيه اللي يضطرهم للهتافات لمدة 7ساعات قبل الماتش؟'.
وتابع:'يبدو والله أعلم إنهم مش رايحين يشجعوا وبس لأ دول رايحين يستمتعوا بمهرجان أهلاوي لمدة يوم كامل.. بيهتفوا فيه وبيغنوا ويحسوا بالعزوة والقوة الجماهيرية اللي بينتموا ليها..انتشاء لا يتكرر إلا مع كل مباراة يتجاوز كل تعب ويزيل كل إرهاق..المهرجان الأهلاوي الرهيب'.
الأهلي والوداد
ويترقب عشاق المارد الأحمر، اليوم الأحد، مواجهة الوداد المغربي في التاسعة مساء، على استاد القاهرة الدولي، وسط حضور جماهيري كبير.
ويأمل محبو الأهلي في الفوز بنتيجة مريحة، قبل لقاء الإياب بالمغرب، المقرر له يوم 11 يونيو الجاري.
تابعوا آخر أهل مصر على Google News
