محمد الشقنقيري: كان عندي فيلم لشيرين لكن كبرت على الدور.. وأنا من أقنعت روبي بالتمثيل

كشف الفنان محمد الشقنقيري عن المطربات التي يتمنى تكرار تجربة الإنتاج معهم قائلا :' لو هجربها هجربها لأنغام تاني طبعا ، وشيرين عبد الوهاب أنا عندي فيلم أنا اللي كاتبه وكان نفسي شيرين هي اللي تعمله بصراحة بس هي كبرت على الدور، لكن عندنا أنغام وعندنا أمال ماهر أنا شايف انها برضو لازم تمثل.

تابع خلال حواره مع الإعلامية انجي هشام في برنامج المنسي عبر قناة هي:' خلي بالك انغام أنا اللي اقنعتها هي كانت رافضة تماما، وأمال أنا نفسي أنها تمثل وهقولك على روبي أنا اللي قولتلها لازم تمثلي.

ختم قائلا:' روبي قبل ما تمثل خالص سجن النسا كان عندها حاجة مع العدل جروب وانا اللي قولتلها لازم تمثلي امكانياتك كممثلة كويسة جدا، بس انا لو هكرر التجربة دلوقتي هكررها لأنغام

يذكر، أن برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا ويستضيف عددا من نجوم الفن والإعلامين الذي غابت عنهم أضواء الشهرة والنجومية.