نشرت الإعلامية بوسي شلبي، مقطع فيديو جديد عبر حسابها الشخصي، على موقع تبادل الصور والفيديوهات الشهير إنستجرام، برفقة الفنان هاني رمزي في أول ظهور له بعد أنباء هجرته لكندا، موضحة أن هاني رمزي يقضي عطلته الصيفية في الساحل الشمالي ولا صحة لما نشر عنه.
حقيقة هجرة هاني رمزي
ورد هاني رمزي قائلا:'بالفعل روحت كذا دول لكن كزيارة، وفيه ناس طلعت شائعات أني هاجرت وسبت مصر، هل هنعرف نسيب بلدنا هل هنعرف نلاقي بلد بالجمال ده، وبعدين بيتكلموا على أي أساس، الكدبة انتشرت جامد جدًا، لأن هما ليهم أساليب علشان يهاجموا الناس أو يشوهوا صورة الناس، أنا على فكرة مبطلعش أعلق أو أتكلم والفكرة أني مبحبش أدي لحد حجمه، والناس عارفة هاني رمزي كويس وعارفة أد أيه بنحب بلدنا جدًا وبعدين أنا لو عايز أهاجر هقول أني عايز أهاجر أيه المشكلة؟'.
وتابع:'هما المهاجرين دول هربانين زي الناس التانية؟، لا طبعا دي ناس عظيمة وبتخدم بلدها وإحساسهم ببلدهم وهما في الغربة قدنا 100 مرة'.
وواصل هاني رمزي:' تتخيلي أننا نسيب خدمتنا في مصر والناس اللي فرقبتنا واللي محتاجلنا ونقدر نسيب البلد الحلوة دي، أتربينا فيها ومهما سافرنا مصر هي الأساس والوطن بجد، يجماعة متصدقوش أي شائعات وعموما اطمنوا إحنا في مصر وهنخدم مصر ودي بلدنا مش هنسيبها'.
تابعوا آخر أهل مصر على Google News
