هاجمت سارة نخلة 'كزبرة' مطرب المهرجانات بسبب استخدامه صورة العالم أحمد زويل في أغنيته 'عليا الطلاق' من خلال برنامجها 'فيس أوف' عبر شاشة قناة 'هي' قائلة: كزبرة بيهين أحمد زويل.
وتابعت: 'إن كزبرة يجيب صورة للعالم الكبير أحمد زويل ويحطها في فيديو كليب اسمه عليا الطلاق أية علاقته بعالم كبير زي أحمد زويل لية يعمل كدة'.
وأضافت: 'الإهانة اللي حصلت دي حصلت لشخص قدم كتير أوي للعلم احنا بنتكلم عن عالم غير عادى في مناطق وشوارع وجامعات باسمه اتعملت باسمه فيمنفعش شخص يعمل أغنية مهرجانات يجيب رجل قيمة وقامة كبيرة وتحط صورته جوه الكليب أو أنك تيجي جنب اسم حد قدم كتير للعالم كله مش بس مصر والوطن العربي بس'.
أسماء مطربي المهرجانات
أما عن أسماء مغنيين المهرجان علقت قائلة: 'لية مطربين المهرجانات الشعبية زي شكوش وحمو بيكا ليه مصممين يسموا نفسهم بالأسامي خضار وفاكهة فيه عنبه وكزبرة في حاجات غريبة كنت فاكرة أنهم في الأول بيتريقوا على نفسهم بس طلع دة حقيقي'.
برنامج 'FACE OFF' تقدمه الإعلامية سارة نخلة على شاشة قناة 'هي' يوميًا من السبت إلى الأثنين وتستضيف من خلاله عددا من نجوم الفن وتناقش القضايا المطروحة يوميًا بين الجمهور.
تابعوا آخر أهل مصر على Google News
