كشفت الفنانة ايمي طلعت زكريا تفاصيل هجومها لاحدى صفحات السوشيال ميديا بسبب فيديو للفنان الراحل طلعت زكريا بالذكاء الاصطناعي يكشف عن أسرار جديدة عن وفاته ويزعم بأنه مات مقتولا وذلك خلال استضافتها في برنامج فيس أوف على شاشة قناة هي.
وأوضحت ايمي طلعت زكريا حقيقة علاقة هذا الفيديو بالفنان عادل إمام قائلة: 'لما شوفت الفيديو دا اتضايقت جدا لأنه فيه كلام خطير جدا وبيقولوا في الفيديو انه مات مقتول وبيتهموا حد زميل له وطبعا كان الاسقاط كله على الفنان عادل امام وطبعا دا مينفعش، لكن اتبسطت من كومنتات الناس بيقولوا انتوا ليه عايزين تطلعوا الفنانين كلهم مقتولة وفلان قتل فلان وانتوا صفحات تقرف'.
وتابعت: 'توجهت لمباحث الانترنت وقدمت بلاغ باسكرين شوت الصفحات وهما اهتموا جدا بالموضوع وماشية في الإجراءات، لكن للاسف انا مكنتش عايزة اقول لان في صفحات اخدت احتياطاتها ومسحت الفيديو'.
وأضافت: 'ابناء فنانين كتير بردة بياخدوا إجراءات بسبب نفس الموضوع بدون ذكر اسماء عشان هما مش عايزين حد يعرف عشان الفيديوهات متتشالش، لأنهم شافوا فيديوهات بالذكاء الاصطناعي لأهاليهم بيتكلموا عن تفاصيل وحاجات مرعبة جدا، محامين كتير تابعوا الموضوع معايا لأن الموضوع دا بقى مش طبيعي وفي حملة مقصودة لتشويه الفن والفنانين في مصر'.
برنامج 'FACE OFF' تقدمه الإعلامية سارة نخلة على شاشة قناة هي يوميًا من السبت إلى الأثنين وتستضيف عددا من نجوم الفن وتناقش القضايا المطروحة بين الجمهور.
تابعوا آخر أهل مصر على Google News
