مروة نصر تشكوي من شركة لحوم: مش أول مرة أجيب منتجاتها وتطلع فاسدة

اشتكت الفنانة مروة نصر، من إحدى شركات اللحوم المجمدة، وذلك عبر حسابها الشخصي بموقع التواصل الاجتماعي فيسبوك.

وكتبت مروة نصر عبر فيسبوك: 'خدوا بالكم من فضلكم أنا عارفة أنه غلط أنى بستخدم أصلا لحوم مجمدة، بس أوقات الزنقة بتحكم، دى مش أول مرة أجيب منتجات الشركة دى وتطلع فاسدة، وببعتلهم وأكتر من مرة اتحايلوا عليا يبعتولى منتجات بديلة، وأنا مش برضى أطلاقا، ولا بقبل منهم أى تعويض، ويكتفى أنى باشتكى الجودة، لأنى ببقى قصدى أنى أصحى الضمير شوية'.

وتابعت:'الغريب بقى أن المرة دى وأنا هحط صورة المنتج واسيبكوا انتو ا تعملولهم منشن، أن المدير مضايق أوى وبيقولى المنتج مش فاسد، دا سوا زيادة، هحطلكم الرد وصورة المنتج وهترك لكم التعليق، ربنا يحفظ ولادنا جميعا بجد، ملحوظة أن الأوردر دا تاريخ جديد يعنى ممكن يكون تاريخ مش حقيقى، أنا مكنتش هعمل كدا، بس أنا فعلا استفزيت أوى حتى مفيش اعتذار، انعدام ضمير وقلة ذوق كمان'.