نجوى فؤاد: "محدش من الفنانين بيسأل عني.. ومعاشي 600 جنيه بديهم للبواب"

خرجت الفنانة القديرة نجوى فؤاد عن صمتها معلنة غضبها واستيائها لتدهور حالتها الصحية نتيجة عدم تدخل واهتمام نقابة المهن التمثيلية بحالتها الصحية وكذلك قلة قيمة معاش النقابة بخلاف عدم سؤال زملائها الفنانين عليها خلال الفترة الماضية.

نجوى فؤاد تخرج عن صمتها

وقالت نجوى فؤاد خلال مداخلة هاتفية مع الإعلامية سهير جودة: ''مفيش حد من الفنانين ولا النقيب سأل فيا، بقالي 6 أشهر بتعذب ومليش معاش علشان إحنا موظفين بالقطعة، مفيش أي حاجة للفنان خالص، الواحد ضيع عمره ببلاش''.

المعاش 600 جنيه

وتابعت: ''دكتور أشرف زكي قالي المعاش اعتقد 600 جنيه، قولتلهم ده أنا بديهم للبواب، الرحمة من عند ربنا ولازم يدوا الفنانين أكتر من اللي بياخدوه دلوقتي كتير، لأن إحنا خدنا ملاليم وهما بياخدوا ملايين، لازم يساعدوا الناس الغلابة اللي مش قادرة تجيب مضاد حيوي علشان تتعالج، لازم يبقى لينا حل''.

الحالة الصحية لنجوى فؤاد

وفي نفس السياق كان قد تحدث مصدر مقرب للفنانة نجوى فؤاد في تصريح خاص بأهل مصر متحدثا عن حالتها الصحية في ذلك الوقت قائلا: ''نجوى فؤاد تعاني مشكلة في العمود الفقري وعملت عملية بالظهر ومش بتقدر تمشي وحاليا تتحرك على كرسي متحرك' .