قبل سفرها.. فيفي عبده تحذر الجمهور: "بلاش البوس والسلامات" (فيديو)

كشفت النجمة فيفي عبده، عن اتخاذ كافة الإجراءات الاحترازية لمواجهة فيروس كورونا المستجد 'كوفيد 19'، خلال سفرها، موجهة رسالة إلى الصيادلة تطالبهم بعدم استغلال الأزمة وزيادة أسعار المواد المطهرة والكمامات، خصوصاً أن أسعارها وصلت إلى مبالغ كبيرة.

وشاركت فيفي عبده متابعيها، بمقطع فيديو لها على موقع تبادل الصور والفيديوهات 'إنستجرام'، توجه من خلال بعض التوعيات إلى الأشخاص بشأن حمايتهم من فيروس كورونا، وذلك عبر حسابها الشخصي بموقع تبادل الصور والفيديوهات الشهير إنستجرام.

وقالت فيفي عبده في الفيديو: 'عايزة أقولكم ربنا يحميكم وبتمنى الصحة لكل العالم من الكورونا دي ولا المكرونة، إحنا عايزين نخلي بالنا من صحتنا، لازم نغسل ايدينا كويس جداً، ومنسلمش على حد ولا نبوس حد، على طول نضع الكمامة على الوجه ونلبس الجوانتي، أهو زي ما انتم شايفين عشان انا مسافرة، معايا حاجتي همشي بيها'.

وتابعت عن غلاء الأسعار: 'بس اللي انا زعلانه منه ان دي ليه بـ55 جنيه طب انا هقدر اشتريها غيري مش هيقدر، أنا عايزة كل الناس اللي في الصيدليات تتقي ربنا في الشعب اللي مش مقتدر، هو في كمامة رخيصة بس افرض اللي شافني بيها هيقول انا عايزة البس زي فيفي عبده، بحبكم ونهاركم زي الفل'.