قال الرئيس عبد الفتاح السيسي، اليوم الأحد، في الندوة التثقيفية الـ 32 للقوات المسلحة: طول مانا معملتش 20 ترليون يبقى لسة محققتش الهدف ولا يجب أن نرتاح أو ننام ولكن يجب العمل حتى نستمر للأمام، اللى حققناه في 6 سنوات قسما بالله يساوي عمل 20 سنة في كل شيء ولسة كمان 50 سنة شغل وربنا يعينا ونعملهم في 6 سنين تاني.
وأضاف الرئيس السيسي، خلال كلمته فى الندوة التثقيفية الـ 32 للقوات المسلحة بمناسبة حرب أكتوبر المجيدة، موجها حديثه للشعب المصري 'انتوا دايما مستهدفين.. ولو عايزين ترتاحوا من اللي بيتعمل كل يوم اتصالحوا.. أنا مقدرش اتصالح .. وبيقولو الصلح خير لكن أنا مقدرش اتصالح مع اللي عايز يهد بلادي ويأذي شعبي وولادي ولو اختلف معايا اختلاف عادي لكن تدخل تضيع وتقتل 100 مليون طب اصالحك ازاي دة شعب مصر هان عليك'.
وتابع: 'اللي يضيع 100 مليون ليصل لمكان متصور هيعمل بيه دولة ازاي هيقوم دولة؟.. والله العظيم أنا قعدت معاهم سنة ونصف وسألتهم ماذا سيفعلون في مشكلات التعليم والصحة والاقتصاد ولم أجد إجابة'.
وأشار الرئيس السيسي إلى أنه يقول ذلك حتى نتمسك ببلادنا جميعا ونحل مشاكلها ونبذل أقصى قوة ونفعل ما استطعنا ولابد أن يكون هناك نصر طالما نفعل ما استطعنا كما قال الله عز وجل في كتابه وسيكون هناك نصر بفضل الله.
ويشهد الرئيس عبد الفتاح السيسي اليوم الأحد الندوة التثقيفية للقوات المسلحة الـ32، تحت عنوان، 'أكتوبر ٧٣ رمز البقاء والنماء ' تزامنا مع الاحتفالات بمرور ٤٧ عاما على انتصارات أكتوبر بحضور قادة القوات المسلحة وكبار رجال الدولة.
وتحتفل مصر بالذكرى الـ47 لنصر أكتوبر المجيد، تلك الذكرى العظيمة، التي ستظل فخرا لكل مصرى وعربى بما حققته القوات المسلحة المصرية من استرداد للكرامة العربية والانتصار على العدو الإسرائيلى في معركة ضربت فيها قواتنا المسلحة أروع أمثلة البطولة والفداء.
تابعوا آخر أهل مصر على Google News
