أعضاء وادي دجلة يشتكون تعنت إدارة النادي: "بيمنعوا ساندوتشاتنا اللي جايبنها من البيت"

انتشرت خلال الأيام القليلة الماضية شكوات عديدة من أعضاء نادي وادي دجلة؛ بعد العديد من الممارسات التي اعتبرها الأعضاء غير طيبة وتحمل العديد من أوجه التعنت.

شكاوى أعضاء وادي دجلة

وكتبت إحدى العضوات، تسمى زينب محمد: 'نادي وادي دجلة مانع دخول أي أكل من برا النادي وبالإجبار مفيش غير أكل المطاعم ومنعني أكل ساندوتشات جيباها من البيت حتى لما قولتلهم إني كنت صايمة، ودي شكوى جماعية كلنا بنشتكي على جروب النادي'.

شكاوى أعضاء وادي دجلة

وأضافت: 'مستمرين في نفس التعسف وفي ناس بتاخد سحب عضوية ووقف لمدة ٣ شهور وغرامات مالية عشان بياكلوا أكل بيتي في النادي!!ومدير الفرع شخصيا قالي اتصلي بخدمة العملاء واشتكينا، نشتكيهم رسميا عند انهي جهة؟؟'.

فما قالت 'صفاء سند': 'كنا رايحين نشترك فيه فهما بيعملوا انترفيو مع الأسرة و بيسالهم وكدا، فبعد كداخلص وعايز يمشي بيقول أي استفسار

فأنا سألته بقوله الجروب بتاع النادي عليه مشاكل كذا وكذا، ايه سبب وليه مش يبقي في حل لكذا'؟، رد بكل هدوء ( كل النوادي فيها مشاكل و اللي جي يستمتع مش هيشوف مشاكل).. رد فاق كل توقعاتي بصراحة، قومت من انترفيو حلفت ما دخلة النادي دا تاني حتي لو هيدفعوا لي فلوس'.