بأسهل الخطوات.. طريقة عمل الشيش طاووق

تتعمد كل أم تقديم الوجبات الغذائية لأطفالها الصحية، وتبحث كل أم عن طرق طهي جديدة للأكلات، خاصة الفراخ، بعيدا عن المسلوق والمحمر، ومن خلال هذا التقرير نقدم لكم طريقة عمل الشيش طاووق في المنزل بأسهل وأسرع الخطوات.

المقادير

1/2 ك اوراك مخليه متقطعه شيش

2 م ك زبادي

1 م ك باربيكو صوص

1 م ك صويا صوص غامق

3 م ك زيت

1 م ك خل

التوابل 1/2 م ص (فلفل اسود +بابريكا + بصل بودر +توم بودر + 1/4 م ص جنزبيل + ملح حسب الرغبه)

الطريقه

قومي بخلط الزبادي والتوابل والزيت والصويا والباربيكو

قومي بتقطيع قطع الاوراك ونسيبها مش اقل من 4 ساعات

وبعد التتبيل نحضر الاسياخ و نجهز الخضار ثم نضعه مع قطع الفراخ عباره عن ( فلفل الوان + فلفل اخضر + بصل)

نضيف اول حاجه ف السيخ البصل ثم قطعه من الفراخ ثم الفلفل والبصل وقطعه من الفراخ وتكرارها في باقي الاسياخ

نحضر الجريل او صينيه وندهنها زيت ونتركها تسخن ثم نضع الاسياخ الشيش نديها صدمه من جميع الجوانب حتى تحتفظ بالسوايل الخاصة بها ف الجريل او الصينيه ثم نقوم بتهدئه النار وتنركها متوسطه ونقوم بتخطية الجريل او الصينيه بفويل ونتركها تستوي